పరకాల 10వ వార్డులో స్మార్ట్ రేషన్ కార్డుల పంపిణీ

పరకాల, హనుమకొండ జిల్లా
పరకాల మున్సిపాలిటీ 10వ వార్డులో దారిద్ర్య రేఖకు దిగువన ఉన్న కుటుంబాలకు కొత్త స్మార్ట్ రేషన్ కార్డుల పంపిణీ కార్యక్రమం బుధవారం నిర్వహించారు.
పరకాల ఎమ్మెల్యే రేవూరి ప్రకాష్ రెడ్డి ఆదేశాల మేరకు 10వ వార్డు కౌన్సిలర్ పసుల లావణ్య రమేష్ ఆధ్వర్యంలో లబ్ధిదారులకు స్మార్ట్ రేషన్ కార్డులను అందజేశారు.ఈ సందర్భంగా కౌన్సిలర్ లావణ్య రమేష్ మాట్లాడుతూ రేవంత్ రెడ్డి ప్రభుత్వం ప్రతిష్టాత్మకంగా చేపట్టిన సన్న బియ్యం పంపిణీ విజయవంతంగా కొనసాగుతోందన్నారు. గత ప్రభుత్వ హయాంలో ఒక్క రేషన్ కార్డు కూడా మంజూరు కాలేదని, కానీ కాంగ్రెస్ ప్రభుత్వం వచ్చాక తెల్ల రేషన్ కార్డు లేని నిరుపేదలకు స్మార్ట్ కార్డులను నిరంతర ప్రక్రియగా అందజేయడం పట్ల ప్రజలు హర్షం వ్యక్తం చేస్తున్నారన్నారు.
కార్యక్రమంలో డి.టి. సుమన్, ఆర్.ఐ. దామోదర్, వీఆర్ఏ బిక్షపతి, డీలర్ దుప్పటి సాంబశివుడు తదితరులు పాల్గొన్నారు.