గోదావరిలో గుర్తు తెలియని వ్యక్తి మృతదేహం లభ్యం

వెంకటాపురం నూగూరు, మేజర్ న్యూస్, ములుగు జిల్లా వెంకటాపురం మండలంలోని ఏకన్నగూడెం గ్రామ శివారులో గోదావరి నది వద్ద గుర్తుతెలియని మగ వ్యక్తి మృతదేహం లభించినట్లు ఎస్సై కొప్పుల తిరుపతిరావు ప్రకటనలో మీడియాకు తెలిపారు.
గురువారం స్థానిక మత్స్యకారులు నది వద్ద మృతదేహాన్ని గమనించి పోలీసులకు సమాచారం అందించారు.ఘటనా స్థలానికి చేరుకున్న పోలీసులు మృతదేహాన్ని ఒడ్డుకు తీసుకువచ్చి పరిశీలించారు.మృతుడి వివరాలు ఇంకా తెలియరాలేదు. మృతదేహాన్ని పోస్టుమార్టం నిమిత్తం వెంకటాపురం ప్రభుత్వ ఆసుపత్రికి తరలించారు.మృతుడిని గుర్తించిన వారు వెంకటాపురం పోలీస్ స్టేషన్ నంబర్లు 8712670098, 8712530036 లలో సంప్రదించాలని ఎస్సై కోరారు. 

రిపోర్టర్: చక్రి చిట్యాల, వెంకటాపురం నూగూరు, ములుగు జిల్లా.