గాంధీజీ ఆశయాలే భావితరాలకు మార్గదర్శకం:రాకేష్ రెడ్డి

చౌటుప్పల్‌: మున్సిపాలిటీ పరిధిలోని తాళ్లసింగారంలో మహాత్మా గాంధీ 151వ జయంతి వేడుకలను ఘనంగా నిర్వహించారు. ఈ సందర్భంగా గాంధీజీ విగ్రహానికి పురపాలిక 1వ వార్డు కౌన్సిలర్‌ కోసనం రాకేష్‌రెడ్డి పూలమాల వేసి ఘనంగా నివాళులర్పించారు.

రాకేష్‌రెడ్డి మాట్లాడుతూ.. గాంధీజీ చూపిన సత్యం, అహింస, శాంతి మార్గాలు భావితరాలకు స్ఫూర్తిదాయకమన్నారు. ఆయన ఆశయాలను ప్రతి ఒక్కరూ ఆచరిస్తూ సమాజ అభివృద్ధికి కృషి చేయాలని పిలుపునిచ్చారు. గాంధీజీ సిద్ధాంతాలను భావితరాలకు అందించాల్సిన బాధ్యత అందరిపై ఉందన్నారు.

కార్యక్రమంలో మాజీ పార్టీ పట్టణ అధ్యక్షుడు సుర్వి నర్సింహాగౌడ్, గ్రామశాఖ అధ్యక్షుడు దొనకొండ కృష్ణ, ప్రధాన కార్యదర్శి మట్టపల్లి శ్రీశైలం, ఉదరి నర్సింహా, డి.బాలయ్య, డి.రామచంద్రం, నల్ల అంజయ్య యాదవ్, సుక్క కృష్ణ, సుక్క సుదర్శన్, డి.పెంటయ్య, బొంగు లచ్చయ్య, ఉడుతల నర్సింహా, డి.సంజీవ, టి.ఆంజనేయులు యాదవ్, నవీన్‌ (ఎన్‌ఎస్‌యూఐ) తదితరులు పాల్గొన్నారు.