ఢిల్లీలో తీవ్ర ఉద్రిక్తత: సీఈసీ జ్ఞానేశ్ కుమార్‌కు వ్యతిరేకంగా CJP నిరసనలు.. ఇంటర్నెట్ బంద్, 11 మెట్రో స్టేషన్ల గేట్లు మూసివేత
న్యూఢిల్లీ: ప్రధాన ఎన్నికల కమిషనర్ (CEC) జ్ఞానేశ్ కుమార్‌కు వ్యతిరేకంగా కాక్రోచ్ జనతా పార్టీ (CJP) ఆధ్వర్యంలో జంతర్ మంతర్ వద్ద నిర్వహ తలపెట్టిన భారీ ఆందోళనల నేపథ్యంలో దేశ రాజధాని ఢిల్లీలో తీవ్ర ఉద్రిక్త వాతావరణం ఏర్పడింది. శాంతిభద్రతల దృష్ట్యా జంతర్ మంతర్ పరిసర ప్రాంతాల్లో ఇంటర్నెట్ సేవలను అధికారులు నిలిపివేశారు.
ముందస్తు జాగ్రత్త చర్యగా రాజీవ్ చౌక్, పటేల్ చౌక్, మండి హౌస్, సెంట్రల్ సెక్రటేరియట్ సహా దాదాపు 11 ప్రధాన మెట్రో స్టేషన్లలో ఎంట్రీ, ఎగ్జిట్ గేట్లను మూసివేస్తున్నట్లు అధికారులు ప్రకటించారు. జంతర్ మంతర్ తో పాటు కన్నాట్ ప్లేస్ ప్రాంతాలలో ట్రాఫిక్ ఆంక్షలు విధించి, వాహనాల రాకపోకలను ప్రత్యామ్నాయ మార్గాల్లోకి మళ్లించారు.
పోలీసుల అనుమతి లేనప్పటికీ CJP కార్యకర్తలు, ఆందోళనకారులు పెద్ద సంఖ్యలో తరలిరావడానికి యత్నించడంతో పోలీసులు, కేంద్రీయ బలగాలను భారీగా మోహరించారు. ఓటర్ల జాబితా ప్రత్యేక సవరణ (SIR) ప్రక్రియలో అక్రమాలు జరిగాయని ఆరోపిస్తూ సీఈసీ జ్ఞానేశ్ కుమార్ తక్షణమే రాజీనామా చేయాలని నిరసనకారులు డిమాండ్ చేస్తున్నారు.
