నంద్యాల జిల్లా వ్యాప్తంగా విస్తృత ఎన్ఫోర్స్మెంట్ చర్యలు

-రోడ్డు ప్రమాదాల నివారణపై అవగాహన

-నిబంధనల ఉల్లంఘనలపై కఠిన చర్యలు

నంద్యాల అర్బన్: నంద్యాల జిల్లా వ్యాప్తంగా రహదారి ప్రమాదాల నివారణ, ప్రజల్లో రోడ్డు భద్రతపై అవగాహన కల్పించడం, ట్రాఫిక్ నిబంధనల ఉల్లంఘనలను నియంత్రించడం, ముందస్తు నేరాలను అరికట్టడం, నిషేధిత వస్తువుల అక్రమ రవాణా మరియు చట్టవ్యతిరేక కార్యకలాపాలను నిరోధించేందుకు విస్తృతంగా ఎన్ఫోర్స్మెంట్ చర్యలు చేపట్టాలని జిల్లా ఎస్పీ శ్రీ సునీల్ షొరాణ్, IPS గారు పోలీస్ అధికారులను ఆదేశించారు.
జిల్లా ఎస్పీ ఆదేశాల మేరకు నంద్యాల జిల్లా పోలీసులు సెప్టెంబర్ మాసంలో విస్తృతంగా ఎన్ఫోర్స్మెంట్ కార్యక్రమాలు నిర్వహించారు. ఈ సందర్భంగా నిబంధనలు ఉల్లంఘించిన వారిపై

*1).* డ్రంకన్ అండ్ డ్రైవ్‌పై 914 కేసులు నమోదు చేశారు.
*2).* ఓపెన్ డ్రింకింగ్‌పై 1,204 కేసులు నమోదు చేశారు.
*3).* మైనర్ డ్రైవింగ్‌పై 160 కేసులు నమోదు చేశారు.
*4).* రోడ్డు భద్రత, ట్రాఫిక్ నిబంధనలు మరియు ప్రమాదాల నివారణపై ప్రజలకు అవగాహన కల్పించేందుకు 83 అవగాహన కార్యక్రమాలు నిర్వహించారు. రహదారి భద్రత ప్రతి ఒక్కరి బాధ్యత అని, మద్యం సేవించి వాహనాలు నడపడం, మైనర్లు వాహనాలు నడపడం వంటి చర్యలు ప్రమాదాలకు దారితీస్తాయని పోలీసులు తెలిపారు. వాహనదారులు తప్పనిసరిగా ట్రాఫిక్ నిబంధనలు పాటిస్తూ, హెల్మెట్ మరియు సీట్‌బెల్ట్ వినియోగిస్తూ, ఇతరుల భద్రతను కూడా దృష్టిలో ఉంచుకుని బాధ్యతాయుతంగా వాహనాలు నడపాలని సూచించారు. అదే విధంగా జిల్లాలో శాంతిభద్రతలకు విఘాతం కలిగించే చట్టవ్యతిరేక కార్యకలాపాలు, నిషేధిత వస్తువుల అక్రమ రవాణా మరియు ఇతర నేరాలను అరికట్టేందుకు నిరంతరం ఎన్ఫోర్స్మెంట్ చర్యలు కొనసాగుతాయని పోలీసులు స్పష్టం చేశారు. ప్రజల భద్రతే ప్రధాన లక్ష్యంగా నంద్యాల జిల్లా పోలీసులు నిరంతరం పనిచేస్తున్నారని జిల్లా ఎస్పీ శ్రీ సునీల్ షొరాణ్, IPS గారు తెలిపారు. ప్రజలు పోలీసులకు సహకరిస్తూ, చట్టవ్యతిరేక కార్యకలాపాలపై సమాచారం ఉంటే సంబంధిత పోలీసులకు లేదా 112 టోల్ ఫ్రీ నెంబర్ కు సమాచారం అందించాలని కోరారు.