గాంధీ ఆశయాలే ప్రజా పాలనకు దిక్సూచి

మంత్రి పొంగులేటి క్యాంప్ కార్యాలయంలో బాపూజీకి ఘన నివాళులు.. సత్యం, అహింస, సామాజిక న్యాయమే ప్రభుత్వ లక్ష్యం: దయాకర్‌రెడ్డి
 

ఖమ్మం రూరల్ సూర్య మేజర్ న్యూస్ : జాతిపిత మహాత్మా గాంధీజీ జయంతిని పురస్కరించుకుని ఖమ్మంలోని రాష్ట్ర రెవెన్యూ మంత్రి పొంగులేటి శ్రీనివాస్‌రెడ్డి క్యాంప్ కార్యాలయంలో శుక్రవారం బాపూజీకి ఘన నివాళులు అర్పించారు. క్యాంప్ కార్యాలయ ఇన్‌చార్జి తుంబూరు దయాకర్‌రెడ్డి గాంధీజీ చిత్రపటానికి పూలమాల వేసి పుష్పాంజలి ఘటించారు.
ఈ సందర్భంగా దయాకర్‌రెడ్డి మాట్లాడుతూ.. గాంధీజీ చూపిన సత్యం, అహింస, శాంతి, సామాజిక న్యాయం, సమానత్వ మార్గాలే ప్రజా పాలనకు స్ఫూర్తిదాయకమని అన్నారు. తెలంగాణలో ప్రజల సంక్షేమం, సామాజిక సమానత్వం, న్యాయం ప్రధానంగా పాలన కొనసాగిస్తున్నామని పేర్కొన్నారు. గాంధీజీ ఆశయాలకు అనుగుణంగా రాష్ట్రాన్ని ముందుకు తీసుకెళ్లడమే ప్రభుత్వ లక్ష్యమని స్పష్టం చేశారు.
గాంధీజీ జయంతి సందర్భంగా ఆయన సేవలను స్మరించుకుంటూ నాయకులు, ప్రజాప్రతినిధులు బాపూజీకి ఘనంగా నివాళులు అర్పించారు. దేశానికి గాంధీజీ అందించిన సత్యం, అహింస సిద్ధాంతాలు నేటి తరానికి కూడా మార్గదర్శకమని పేర్కొన్నారు.
కార్యక్రమంలో ఏదులాపురం మున్సిపాలిటీ చైర్‌పర్సన్ పోకబత్తిని అనిత, వైస్ చైర్మన్ తమ్మినేని నవీన్, అశ్వారావుపేట మున్సిపాలిటీ వైస్ చైర్మన్ జూపల్లి రమేష్‌బాబు, ఏదులాపురం మున్సిపాలిటీ కాంగ్రెస్ అధ్యక్షుడు బానోత్ కిషోర్ నాయక్, ఐఎన్‌టీయూసీ జనరల్ సెక్రటరీ మహమ్మద్ రజాక్, మాజీ ఎంపీపీ బోడా మంగీలాల్, నాయకులు కోసూరి శ్రీను తదితరులు పాల్గొన్నారు.