ఆర్యవైశ్య సంఘం, యువజన సంఘం ఆధ్వర్యంలో ఘనంగా గాంధీ జయంతి వేడుకలు

కామవరపుకోట, మేజర్‌న్యూస్‌ : జాతిపిత మహాత్మా గాంధీ జయంతిని పురస్కరించుకుని స్థానిక ఆర్యవైశ్య సంఘం, ఆర్యవైశ్య యువజన విభాగం ఆధ్వర్యంలో గాంధీ జయంతి వేడుకలను శుక్రవారం కామవరపుకోట చౌతనా సెంటర్లో గాంధీ విగ్రహం వద్ద అత్యంత ఘనంగా నిర్వహించారు. ఈ సందర్భంగా గాంధీ గారి విగ్రహం వద్ద ఏర్పాటు చేసిన కార్యక్రమంలో గాంధీజీ చిత్రపటానికి విగ్రహానికి పూలమాలలు వేసి ఘనంగా నివాళులర్పించారు. ఈ సందర్భంగా ఆర్యవైశ్య సంఘ అధ్యక్షులు మాట్లాడుతూ... సత్యం, అహింస, శాంతి అనే ఆయుధాలతో దేశానికి స్వాతంత్ర్యం తెచ్చిపెట్టిన మహనీయుడు మహాత్మా గాంధీ అని కొనియాడారు. నేటి యువత గాంధీజీ బోధించిన ఆదర్శాలను, నైతిక విలువలను జీవితంలో అలవర్చుకోవాలని పిలుపునిచ్చారు. ఆర్యవైశ్య యువజన సంఘ నాయకులు మాట్లాడుతూ... దేశ ప్రగతిలో యువత పాత్ర కీలకమని, సమాజ సేవకు యువత ఎల్లప్పుడూ ముందుండాలని పేర్కొన్నారు. గాంధీజీ కలలుగన్న గ్రామ స్వరాజ్యం, స్వచ్ఛ సమాజ నిర్మాణంలో ప్రతి ఒక్కరూ భాగస్వాములు కావాలని ఆకాంక్షించారు.

 సుభాష్ కారపు కోట