పలువురిని పరామర్శించిన కేంద్ర సహాయ మంత్రి బండి సంజయ్ కుమార్

సూర్య వీణవంక: కేంద్ర సహాయ మంత్రి, బీజేపీ సీనియర్ నాయకుడు బండి సంజయ్ కుమార్ శుక్రవారం వీణవంక మండలంలో పర్యటించి పలువురు పార్టీ నాయకులు, కార్యకర్తలు, బాధిత కుటుంబాలను పరామర్శించారు. ఈ సందర్భంగా స్థానిక నాయకులు, కార్యకర్తలతో ఆత్మీయంగా మమేకమై వారి సమస్యలను అడిగి తెలుసుకున్నారు.
వీణవంక మండలంలోని నర్సింగాపూర్ గ్రామానికి చెందిన బీజేపీ కిసాన్ మోర్చా జిల్లా ప్రధాన కార్యదర్శి మడుగురి సమ్మిరెడ్డి ఇటీవల రోడ్డు ప్రమాదంలో గాయపడిన విషయం తెలుసుకున్న బండి సంజయ్ కుమార్ ఆయనను పరామర్శించారు. ప్రమాదం జరిగిన తీరును, ప్రస్తుతం ఆయన ఆరోగ్య పరిస్థితిని కుటుంబ సభ్యులను అడిగి తెలుసుకున్నారు. త్వరగా కోలుకోవాలని ఆకాంక్షించారు. ఈ సందర్భంగా సమ్మిరెడ్డి కుటుంబ సభ్యులతో కొద్దిసేపు మాట్లాడి ధైర్యం చెప్పారు.
అనంతరం వీణవంక మండల కేంద్రానికి చెందిన వేద పండితులు గూడ జగదీశ్వర్ శర్మ కుమార్తె ఇటీవల అనారోగ్యంతో మృతి చెందడంతో వారి నివాసానికి వెళ్లిన బండి సంజయ్ కుమార్ కుటుంబ సభ్యులను పరామర్శించారు. మృతికి సంతాపం వ్యక్తం చేస్తూ కుటుంబ సభ్యులకు తన ప్రగాఢ సానుభూతిని తెలిపారు. విషాద సమయంలో కుటుంబ సభ్యులకు ధైర్యంగా ఉండాలని సూచించారు.తదుపరి వీణవంకకు చెందిన వ్యాపారవేత్త, సీనియర్ బీజేపీ నాయకుడు అయిత రాంబాబు ఆధ్వర్యంలో ఏర్పాటు చేసిన తేనేటి విందులో బండి సంజయ్ కుమార్ పాల్గొన్నారు. ఈ సందర్భంగా స్థానిక నాయకులు, కార్యకర్తలు ఆయనకు ఆత్మీయ స్వాగతం పలికారు. నాయకులు, కార్యకర్తలతో కలిసి కొంతసేపు ఆత్మీయంగా గడిపారు.అనంతరం బండి సంజయ్ కుమార్ పార్టీ నాయకులు,  సూచించారు. పార్టీని గ్రామస్థాయిలో మరింత బలోపేతం చేసేందుకు ప్రతి కార్యకర్త సమన్వయంతో పనిచేయాలని పేర్కొన్నారు.