రంగన్నగూడెంలో ఘనంగా గాంధీ జయంతి వేడుకలు. జాతిపితకు ఘన నివాళులర్పించిన ప్రజాప్రతినిధులు, టీడీపీ నేతలు..

బాపులపాడు, అక్టోబర్ 02, సూర్య ప్రతినిధి (గుర్రం ప్రసాద్).

జాతిపిత మహాత్మా గాంధీ 157వ జయంతి వేడుకలను బాపులపాడు మండలం రంగన్నగూడెం గ్రామంలో శుక్రవారం ఘనంగా నిర్వహించారు. గన్నవరం ఎమ్మెల్యే, ప్రభుత్వ విప్ యార్లగడ్డ వెంకట్రావు సూచనల మేరకు గ్రామ పంచాయతీ ఆధ్వర్యంలో జరిగిన కార్యక్రమంలో గ్రామ ప్రముఖులు, ప్రజాప్రతినిధులు గాంధీజీ చిత్రపటానికి పూలమాలలు వేసి నివాళులర్పించారు. ఈ సందర్భంగా సాగునీటి వినియోగదారుల సంఘాల సమాఖ్య రాష్ట్ర అధ్యక్షుడు ఆళ్ళ వెంకట గోపాలకృష్ణారావు మాట్లాడుతూ  గ్రామాలే దేశానికి పట్టుకొమ్మలు అన్న గాంధీజీ ఆశయాన్ని స్ఫూర్తిగా తీసుకుని గ్రామాభివృద్ధికి ప్రతి ఒక్కరూ కలిసికట్టుగా కృషి చేయాలని పిలుపునిచ్చారు. రంగన్నగూడెం పంచాయతీ అభివృద్ధికి ఎమ్మెల్యే యార్లగడ్డ వెంకట్రావు ఇప్పటివరకు రూ.45 లక్షల నిధులు కేటాయించారని తెలిపారు. కార్యక్రమంలో పీఏసీఎస్ అధ్యక్షుడు కనకవల్లి శేషగిరిరావు, ఎంపీసీఎస్ అధ్యక్షుడు మొవ్వ శ్రీనివాసరావు, పంచాయతీ కార్యదర్శి పుట్టి కృష్ణకాంత్, మాజీ ఎంపీటీసీ సభ్యుడు పుసులూరు లక్ష్మీనారాయణ, గ్రామ ప్రముఖులు కసుకుర్తి వేణుబాబు, కాట్రు పాపారావు, కొలుసు గంగాజలం, కొమరపు సింహాచలం, ధర్మవరపు రమణ, ధర్మవరపు శ్రీనివాస్, దేవరకొండ శ్రీనివాసరావు తదితరులు పాల్గొన్నారు.