*జర్నలిస్టుల సమస్యలను పరిష్కరించాలి*
మధిర: సూర్య మేజర్ న్యూస్.
జర్నలిస్టులు ఎదుర్కొంటున్న సమస్యలను ప్రభుత్వం వెంటనే పరిష్కరించాలని తెలంగాణ యూనియన్ ఆఫ్ వర్కింగ్ జర్నలిస్ట్స్ (టీయూడబ్ల్యూజే) నాయకులు డిమాండ్ చేశారు. టీయూడబ్ల్యూజే (ఐజేయు) రాష్ట్ర కమిటీ పిలుపుమేరకు శుక్రవారం మధిరలో టీయూడబ్ల్యూజే ఆధ్వర్యంలో మధిర ఎస్సీ కాలనీలో ఉన్న జాతిపిత మహాత్మా గాంధీ విగ్రహానికి వినతిపత్రం సమర్పించారు.
ఈ సందర్భంగా జర్నలిస్టులకు ఇళ్ల స్థలాలు, అక్రిడిటేషన్, ఆరోగ్య భద్రత, ఉచిత వైద్యం, సంక్షేమ పథకాలు తదితర అంశాలపై ప్రభుత్వం ప్రత్యేక దృష్టి సారించాలని కోరారు. గ్రామీణ ప్రాంతాల్లో పనిచేస్తున్న జర్నలిస్టులకు ఎదురవుతున్న ఇబ్బందులను గుర్తించి వాటి పరిష్కారానికి చర్యలు తీసుకోవాలని విజ్ఞప్తి చేశారు.
ప్రజా సమస్యలను ప్రభుత్వం దృష్టికి తీసుకెళ్లడంలో జర్నలిస్టులు కీలక పాత్ర పోషిస్తున్నారని, వారి సంక్షేమానికి ప్రభుత్వం తగిన ప్రాధాన్యత ఇవ్వాలని నాయకులు పేర్కొన్నారు. జర్నలిస్టుల సమస్యల పరిష్కారానికి ఐక్యంగా పోరాడుతామని తెలిపారు. జర్నలిస్టులపై జరుగుతున్న దాడులను నివారించేందుకు ప్రభుత్వం చర్యలు తీసుకోవాలన్నారు. ఈ కార్యక్రమంలో టియుడబ్ల్యూజే ఖమ్మం జిల్లా సహాయ కార్యదర్శి పాగి బాలస్వామి, జిల్లా కమిటీ సభ్యులు శ్రీ రామోజీ యోగేష్, పార్శపు అరుణ్ సీనియర్ జర్నలిస్టులు రావిరాల శశి కుమార్ సుంకర సీతారాం, నాళ్ల శ్రీనివాసరావు దుబాసి రాజేష్ , వేములకొండ రాము, వేముల నవీన్, రావూరి కృష్ణ ప్రసాద్, పల్లపోతు ప్రసాద్ రావు, తలారి రమేష్, మిరియాల నరేష్, లిక్కిరవి, పబ్బతి జగదీష్ కోనా నరసింహారావు, చారు గుండ్ల లక్ష్మీనరసింహారావు, కోటా వెంకట్, వేల్పుల రామారావు, ఇరుగు పుల్లారావు మంద అశోక్, తాళ్లూరి అప్పారావు తదితరులు పాల్గొన్నారు.
