చింతలమానేపల్లి గ్రామ పంచాయతీలో ఘనంగా గాంధీ జయంతి వేడుకలు

సూర్య, చింతలమానేపల్లి
మండల కేంద్రంలోని గ్రామ పంచాయతీలో జాతిపిత మహాత్మా గాంధీజీ జయంతి వేడుకలను శుక్రవారం ఘనంగా నిర్వహించారు. ఈ సందర్భంగా మహాత్మా గాంధీజీ చిత్రపటానికి స్థానిక సర్పంచ్ మేకల పోశక్క, ఉప సర్పంచ్ టొంబ్రే శ్రీనివాస్, ఎంపీడీఓ సత్యనారాయణ, ఐసీడీఎస్ సూపర్‌వైజర్, వార్డు సభ్యులు పూలమాలలు వేసి ఘన నివాళులు అర్పించారు.ఈ సందర్భంగా వారు మాట్లాడుతూ.. గాంధీజీ చూపిన సత్యం, అహింస, ధర్మం మార్గాలను ప్రతి ఒక్కరూ అనుసరించాలని పిలుపునిచ్చారు. గాంధీజీ ఆశయాలను ఆచరణలో పెట్టి, ఆయన కలలుగన్న సమాజ నిర్మాణానికి ప్రతి ఒక్కరూ కృషి చేయాలని కోరారు.
గ్రామ సభలో అభివృద్ధి పనులపై చర్చ
గాంధీ జయంతి సందర్భంగా చింతలమానేపల్లి గ్రామ పంచాయతీలో సర్పంచ్, ఉప సర్పంచ్ అధ్యక్షతన, ఎంపీడీఓ సత్యనారాయణ ఆధ్వర్యంలో గ్రామ సభ నిర్వహించారు. గ్రామ పంచాయతీ అభివృద్ధి పనులు, వీబీజీ రామ్‌జీ (వి బి జి-ఆర్ ఏ ఎం-జి) పనులు తదితర అంశాలపై చర్చించి పలు తీర్మానాలు చేశారు.ఈ కార్యక్రమంలో స్థానిక నాయకులు, ఆశా వర్కర్లు, అంగన్‌వాడీ టీచర్లు, వీవీఏలు, ఉపాధి హామీ సిబ్బంది, పంచాయతీ సిబ్బంది, గ్రామస్తులు పాల్గొన్నారు.