ఎస్‌ఐఆర్‌ను రద్దు చేయాలి.. తొలగించిన ఓట్లను పునరుద్ధరించాలి ప్రజాసంఘాల ఆధ్వర్యంలో ర్యాలీ, నిరసన
అనంతపురం బ్యూరో : ఎస్‌ఐఆర్‌ (SIR) ప్రక్రియను రద్దు చేయాలని, ఈ ప్రక్రియ పేరుతో తొలగించిన ఓట్లను యథావిధిగా పునరుద్ధరించాలని డిమాండ్‌ చేస్తూ ప్రజాసంఘాల ఆధ్వర్యంలో నిరసన కార్యక్రమం నిర్వహించారు. భారత ప్రధాన ఎన్నికల కమిషనర్‌ జ్ఞానేశ్‌ కుమార్ రాజీనామా చేయాలని నినాదాలు చేస్తూ కృష్ణ కళామందిర్‌ నుంచి గాంధీ బొమ్మ వరకు ర్యాలీ చేపట్టారు. అనంతరం టవర్‌ క్లాక్‌ వద్ద నిరసన తెలిపారు.
ఎస్‌ఐఆర్‌ పేరుతో 13 కోట్లకు పైగా ఓటర్ల పేర్లు తొలగించారంటూ నిరసనకారులు ఆరోపించారు. తొలగించిన ఓటర్ల పేర్లను తిరిగి ఓటర్ల జాబితాలో చేర్చాలని, ఓటు హక్కును పరిరక్షించాలని డిమాండ్‌ చేశారు. ఎన్నికల ప్రక్రియలో పారదర్శకత పాటించాలని, ఓటర్లకు అన్యాయం జరగకుండా చర్యలు తీసుకోవాలని కోరారు.
ఈ కార్యక్రమంలో వివిధ ప్రజాసంఘాల నాయకులు, కార్యకర్తలు పాల్గొని ఎస్‌ఐఆర్‌ ప్రక్రియకు వ్యతిరేకంగా తమ నిరసనను వ్యక్తం చేశారు.
