జర్నలిస్టుల సమస్యలు పరిష్కరించాలి

*జర్నలిస్టుల సమస్యలు పరిష్కరించాలి

గాంధీ విగ్రహానికి టీయూడబ్ల్యూజే  (ఐజేయు) వినతి*

వరంగల్ టౌన్, అక్టోబర్ 2 ,మేజర్ న్యూస్ సూర్య,

జర్నలిస్టుల సమస్యలు పరిష్కరించాలని కోరుకుంటూ శుక్రవారం టి యూ డబ్ల్యూ జే ఐ జేయు జిల్లా అధ్యక్షులు శ్రీరామ్ రామచందర్ ఆధ్వర్యంలో గాంధీ విగ్రహానికి వినతిపత్రం అందజేశారు
జర్నలిస్టుల హక్కులు, సంక్షేమం కోసం టీయూడబ్ల్యూజే (ఐజేయూ) జాతీయ కమిటీ ఆదేశాల మేరకు, రాష్ట్ర కమిటీ పిలుపు మేరకు అక్టోబర్ 2న జాతిపిత మహాత్మా గాంధీ జయంతిని పురస్కరించుకుని వరంగల్ జిల్లా కమిటీ ఆధ్వర్యంలో ఘనంగా నిర్వహించారు.
గ్రేటర్ వరంగల్ కార్యాలయం ఎదుట ఉన్న గాంధీ విగ్రహానికి పూలమాల వేసి, జర్నలిస్టుల సమస్యలను పరిష్కరించాలని కోరుతూ వినతిపత్రం అందజేశారు. జాతీయ కమిటీ తీర్మానం మేరకు "పనిచేస్తున్న పాత్రికేయుల డిమాండ్ దినం"గా జిల్లా కమిటీ విజయవంతంగా నిర్వహించింది.
ఈ సందర్భంగా *జాతీయ కౌన్సిల్ సభ్యుడు సంగోజు రవి* మాట్లాడుతూ జర్నలిస్టులకు ప్రభుత్వ ఉద్యోగులతో సమానంగా సదుపాయాలు, ఉచిత వైద్య సదుపాయం కల్పించాలని డిమాండ్ చేశారు. ప్రభుత్వ, ప్రైవేట్ కార్పొరేట్ వైద్యశాలల్లో ఉచిత వైద్యాన్ని అమలు చేయాలన్నారు. దీర్ఘకాలంగా పెండింగ్ లో ఉన్న ఇళ్లు, ఇళ్ల స్థలాల సమస్యను వెంటనే పరిష్కరించాలని కోరారు. వరంగల్ తూర్పులో నిర్మాణం పూర్తయిన డబుల్ బెడ్ రూం ఇళ్లను పంపిణీ చేయడంలో ప్రజాప్రతినిధులు, అధికారులు నిర్లక్ష్యంగా వ్యవహరిస్తున్నారని ఆగ్రహం వ్యక్తం చేశారు.జిల్లా అధ్యక్షులు శ్రీరామ్ రాంచందర్ మాట్లాడుతూ రాష్ట్రంలో జర్నలిస్టుల సమస్యల పరిష్కారానికి జాతీయ, రాష్ట్ర నాయకత్వం అడుగుజాడల్లో జిల్లా కమిటీలు ముందుకు సాగుతున్నాయన్నారు. జర్నలిస్టుల సమస్యలపై ప్రత్యేక దృష్టి సారించామని, అందులో భాగంగానే గాంధీకి లిఖితపూర్వకంగా వినతిపత్రం సమర్పించామని తెలిపారు. కేంద్ర, రాష్ట్ర ప్రభుత్వాలు సత్వరమే జర్నలిస్టుల సమస్యలను పరిష్కరించాలని డిమాండ్ చేశారు.
కార్యక్రమంలో జిల్లా ప్రధాన కార్యదర్శి మట్టా దుర్గాప్రసాద్, కోశాధికారి కొదాటి గోపాలకృష్ణ, ఎలక్ట్రానిక్ మీడియా జిల్లా అధ్యక్షులు కందుల శ్రీధర్, ఉపాధ్యక్షులు జన్ను స్వామి, కూర్ణ వెంకటేశ్వర్లు, మహాదేవుని జగదీష్, సహాయ కార్యదర్శులు బొమ్మగాని సతీష్, చింతనూరి రాజు, బానోత్ బాలాజీ, కార్యవర్గ సభ్యులు హుస్సేన్ పాషా, అక్రమ్, బాబర్, దేసు లక్ష్మణ్, కందుల శ్రీనివాస్, గాదె రవి, శీలం రమేష్, సీనియర్ జర్నలిస్టులు పెరుమాండ్ల మధు, ఎండీ సయీద్, సామల సూర్య ప్రకాష్, వలిశెట్టి సుధాకర్, ఏలుగందుల అజయ్, చిన్నబాబు, చైతన్య, సాజిద్ పాషా, నితీష్, అమీర్, చిట్టిబాబు, మురళి, రాజేందర్ తదితరులు పాల్గొన్నారు.