గాంధీ ఆశయాలకు బీజేపీ కట్టుబడి ఉంది: బండి సంజయ్

సూర్య కరీంనగర్ ప్రతినిధి:జమ్మికుంటలో గాంధీ జయంతి సందర్భంగా మహాత్మా గాంధీ విగ్రహానికి కేంద్ర హోంశాఖ సహాయ మంత్రి బండి సంజయ్ కుమార్ పూలమాల వేసి నివాళులర్పించారు. అనంతరం ఆయన మాట్లాడుతూ గాంధీజీ సత్యం, అహింస, ధర్మం, శాంతి మార్గాలను ప్రపంచానికి చాటారని, శ్రీరాముడిని సత్యం, ధర్మానికి ప్రతిరూపంగా భావించారని అన్నారు. గాంధీ ఆశయాలకు బీజేపీ, ప్రధాని నరేంద్ర మోదీ కట్టుబడి ఉన్నారని పేర్కొన్నారు. కాంగ్రెస్ కుటుంబ వారసత్వ రాజకీయాలను ప్రోత్సహిస్తోందని విమర్శించారు. తెలంగాణలో కాంగ్రెస్, బీఆర్ఎస్ పార్టీలకు ప్రజలు ప్రత్యామ్నాయం కోరుతున్నారని, రాష్ట్ర అభివృద్ధికి బీజేపీ అవసరమని అన్నారు. ఖైరతాబాద్ ఉప ఎన్నికకు కాంగ్రెస్ కారణమని ఆరోపిస్తూ, బీజేపీ విజయం కోసం కార్యకర్తలు కృషి చేయాలని పిలుపునిచ్చారు.