గద్వాల్ విజయలక్ష్మి బతుకమ్మ పండుగ శుభాకాంక్షలు

హైదరాబాద్, సూర్య ప్రతినిధి :బతుకమ్మ పండుగ తెలంగాణ సంస్కృతి, సంప్రదాయాలకు ప్రతీక అని రాష్ట్ర ప్రణాళికా సంఘం వైస్ చైర్‌పర్సన్ గద్వాల్ విజయలక్ష్మి పేర్కొన్నారు. బతుకమ్మ పండుగ ప్రారంభం కానున్న సందర్భంగా రాష్ట్రంలోని మహిళలందరికీ ఆమె హృదయపూర్వక శుభాకాంక్షలు తెలిపారు.

ఈ సందర్భంగా ఆమె మాట్లాడుతూ... తెలంగాణ ఆడపడుచులు ఎంతో భక్తిశ్రద్ధలతో, ఆనందోత్సాహాలతో జరుపుకునే బతుకమ్మ పండుగ మహిళల ఐక్యతకు, ప్రకృతిపై ప్రేమకు నిదర్శనంగా నిలుస్తుందని అన్నారు. మన సంస్కృతి, సంప్రదాయాలను భావితరాలకు అందించడంలో ఈ పండుగ కీలక పాత్ర పోషిస్తుందని తెలిపారు.

ఈ బతుకమ్మ పండుగ ప్రతీ ఇంటా సంతోషాలు నింపాలని, రాష్ట్రంలోని మహిళలందరూ ఆయురారోగ్యాలతో, సుఖసంతోషాలతో ఉండాలని ఆకాంక్షించారు. అలాగే తెలంగాణ రాష్ట్రం అన్ని రంగాల్లో మరింత అభివృద్ధి సాధించాలని గద్వాల్ విజయలక్ష్మి ఆశాభావం వ్యక్తం చేశారు.