సిఎం రేవంత్ రెడ్డికి అలంపూర్ శ్రీ జోగుళాంబ అమ్మవారి కల్యాణోత్సవ ఆహ్వానం

ఈ నెల 16న అలంపూర్ శ్రీ జోగుళాంబ సమేత బాలబ్రహ్మేశ్వర స్వామివారి క్షేత్రంలో అత్యంత వైభవంగా నిర్వహించనున్న శ్రీ జోగుళాంబ అమ్మవారి కల్యాణోత్సవంలో పాల్గొనాల్సిందిగా ముఖ్యమంత్రి శ్రీ ఎ. రేవంత్ రెడ్డి గారిని ఆలయ కమిటీ ప్రతినిధులు కోరారు. ఈ మేరకు హైదరాబాద్ జూబ్లీహిల్స్‌లోని ముఖ్యమంత్రి గారి నివాసంలో దేవాదాయ శాఖ కమిషనర్ శ్రీ ఎం. హన్మంతరావు, గద్వాల సంస్థాన వారసులు శ్రీ కృష్ణ రామభూపాల్, మరియు శ్రీ జోగుళాంబ అమ్మవారి దేవస్థానం ఈవో శ్రీమతి దీప్తి గారు ముఖ్యమంత్రిని మర్యాదపూర్వకంగా కలిసి ఉత్సవాల అధికారిక ఆహ్వాన పత్రికను అందజేశారు. తెలంగాణలోని ద్వాదశ జోతిర్లింగాలలో ఒకటిగా, అష్టాదశ శక్తిపీఠాలలో ఐదవ శక్తిపీఠంగా విరాజిల్లుతున్న అలంపూర్ క్షేత్రంలో జరిగే ఈ కల్యాణోత్సవ కార్యక్రమానికి హాజరుకావాలని వారు ముఖ్యమంత్రిని కోరారు.