ట్రేడ్స్‌మెన్ సమస్యలు పరిష్కరించాలి- ఏఐటీయూసీ
ట్రేడ్స్‌మెన్ సమస్యలు పరిష్కరించాలి- ఏఐటీయూసీ
కొత్తగూడెం సింగరేణి, సూర్య(మేజర్ న్యూస్) - సింగరేణి కార్పొరేట్ ఏరియాలో ట్రేడ్స్‌మెన్ ఉద్యోగులు ఎదుర్కొంటున్న సమస్యలను పరిష్కరించాలని ఏఐటీయూసీ డిమాండ్ చేసింది.శుక్రవారం శేషగిరి భవన్‌లో జరిగిన కార్పొరేట్ ఏరియా ట్రేడ్స్‌మెన్ సబ్ కమిటీ సమావేశంలో రాష్ట్ర అధ్యక్షుడు వాసిరెడ్డి సీతారామయ్య, ప్రధాన కార్యదర్శి కొరిమి రాజ్ కుమార్ మాట్లాడుతూ.. టర్నర్స్, వెల్డర్స్, మిషినిస్టులకు ఫోర్‌మెన్‌గా ఎదిగే అవకాశం కల్పించాలని, యాక్టింగ్ ఫోర్‌మెన్‌గా పనిచేస్తున్న వారికి ఇంటర్నల్ పరీక్షకు అర్హత ఇవ్వాలని కోరారు. వర్క్‌షాపుల్లో టెక్నీషియన్లకు పనిముట్ల కొరతతో భద్రతకు ముప్పు ఏర్పడుతోందని, వెంటనే టూల్స్ సరఫరా చేయాలని డిమాండ్ చేశారు.
అనంతరం కార్పొరేట్ ట్రేడ్స్‌మెన్ సబ్ కమిటీని ఏకగ్రీవంగా ఎన్నుకున్నారు. ఇన్‌చార్జిగా రాము, అడ్వైజర్‌గా ఆనందరెడ్డి, కార్యదర్శిగా సి.హెచ్. మురళి, సహాయ కార్యదర్శులుగా రాజశేఖర్, ప్రవీణ్, వేమనాచారి తదితరులు ఎన్నికయ్యారు.ఈ సమావేశంలో ఏఐటీయూసీ కేంద్ర కార్యదర్శి వంగ వెంకట్, బ్రాంచ్ కార్యదర్శులు రమణమూర్తి, గట్టయ్య తదితరులు పాల్గొన్నారు.
