కంటి చూపు పై ప్రతి ఒక్కరూ శ్రద్ధ వహించాలి

ఉండి, మేజర్ న్యూస్:పంచేంద్రియాల్లో కన్ను అత్యంత ముఖ్యమైనదని, ప్రతి ఒక్కరూ కంటి సంరక్షణపై తగిన జాగ్రత్తలు తీసుకోవాలని లయన్స్ క్లబ్ పశ్చిమగోదావరి జిల్లా ద్వితీయ గవర్నర్ స్వరూప్ సూచించారు. శుక్రవారం ఉండి లయన్స్ క్లబ్ అధ్యక్షుడు ద్వారంపూడి నారాయణరెడ్డి సహకారంతో లయన్స్ ఆడిటోరియంలో ఉచిత నేత్ర వైద్య శిబిరాన్ని నిర్వహించారు.ఈ శిబిరానికి ముఖ్య అతిథిగా హాజరైన స్వరూప్ మాట్లాడుతూ సుమారు 150 మంది వైద్య శిబిరంలో నేత్ర పరీక్షలు చేయించుకున్నారని తెలిపారు. కంటి ఆపరేషన్లు అవసరమైన వారికి నిడదవోలు శ్రీ రాజేశ్వరి రామకృష్ణన్ లయన్ కంటి ఆసుపత్రి సహకారంతో శస్త్రచికిత్సలు నిర్వహిస్తున్నట్లు పేర్కొన్నారు. అలాగే కళ్లద్దాలు అవసరమైన వారికి వాటిని అందించినట్లు వివరించారు.ఈ సందర్భంగా లయన్స్ క్లబ్ అధ్యక్షుడు ద్వారంపూడి నారాయణరెడ్డి మాట్లాడుతూ ఇటీవల ఆరేడు గ్రామంలో నేత్ర వైద్య శిబిరాన్ని నిర్వహించామని, అదే స్ఫూర్తితో ఉండిలోనూ ఉచిత వైద్య శిబిరాన్ని ఏర్పాటు చేసినట్లు తెలిపారు. నిరుపేదలకు సేవలందించడంలో లయన్స్ క్లబ్ ఎల్లప్పుడూ ముందుంటుందని, ఈ సేవా కార్యక్రమాలకు తన వంతు సహకారం నిరంతరం అందిస్తానని ఆయన తెలిపారు. ఈ కార్యక్రమంలో లయన్స్ క్లబ్ కార్యదర్శి ఆర్ నరసరాజు, కోశాధికారి కన్నెగంటి రూత్ కళ, సభ్యులు సత్తి బ్రహ్మారెడ్డి, గాదిరాజు రంగరాజు, బొండాడ కేశవరావు, నంబూరి కాశీ విశ్వేశ్వరరావు, గాదిరాజు వెంకటేశ్వరరాజు, రంగప్రసాద్ రాజు, కాగిత మహంకాళి, అనంతలక్ష్మి తదితరులు పాల్గొన్నారు.

 రిపోర్టర్ రాజు ఉండి పశ్చిమగోదావరి జిల్లా