బీసీలకు టీడీపీ అండగా ఉంటుంది బుడా చైర్మన్ తెంటు లక్ష్మునాయుడు
బాడంగి, అక్టోబర్ 9 (మేజర్‌ న్యూస్‌): బీసీల రాజకీయ, సామాజిక అభ్యున్నతికి తెలుగుదేశం పార్టీ కట్టుబడి ఉందని బొబ్బిలి అర్బన్‌ డెవలప్‌మెంట్‌ అథారిటీ (బుడా) చైర్మన్, మాజీ ఎమ్మెల్యే తెంటు లక్ష్మునాయుడు తెలిపారు. రానున్న స్థానిక సంస్థల ఎన్నికల్లో పార్టీ పరంగా బీసీలకు 34 శాతం ప్రాతినిధ్యం కల్పించేందుకు కృషి చేస్తామని స్పష్టం చేశారు. శుక్రవారం బాడంగిలో నిర్వహించిన విలేకరుల సమావేశంలో ఆయన మాట్లాడారు.
బీసీ రిజర్వేషన్ల అంశంపై వైఎస్సార్‌సీపీ నేతలు న్యాయస్థానాన్ని ఆశ్రయించడంపై ఆయన తన అభిప్రాయాలను వ్యక్తం చేశారు. ఈ పరిణామాలు బీసీల రాజకీయ ప్రాతినిధ్యంపై ప్రభావం చూపాయని పేర్కొన్నారు. న్యాయస్థానాల నిర్ణయాలను గౌరవిస్తూనే, పార్టీ పరంగా బీసీలకు తగిన ప్రాధాన్యం కల్పిస్తామని తెలిపారు.
బీసీల రాజకీయ ప్రాతినిధ్యం పెంపునకు టీడీపీ గతంలోనూ కృషి చేసిందని తెంటు పేర్కొన్నారు. బీసీల హక్కుల పరిరక్షణకు, రాజకీయ ప్రాతినిధ్యం పెంపునకు టీడీపీ కృషి చేస్తుందని స్పష్టం చేశారు.
