నకరికల్లులో వైసీపీ కార్యకర్తలకు ఐడి కార్డులు పంపిణీ

నకరికల్లు: మండలంలోని నకరికల్లులో వైఎస్సార్ కాంగ్రెస్ పార్టీ (వైసీపీ) కార్యకర్తల సమావేశం గురువారం నిర్వహించారు. పార్టీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు, డాక్టర్‌ గజ్జల సుధీర్‌ భార్గవ రెడ్డి సమన్వయంతో, రామవరెడ్డి ఆధ్వర్యంలో గ్రామాధ్యక్షుడు బైరెడ్డి పరమేశ్వర్‌రెడ్డి పార్టీ కార్యకర్తలతో సమావేశమయ్యారు.
ఈ సందర్భంగా రాబోయే స్థానిక సంస్థల ఎన్నికల్లో పార్టీ బలోపేతానికి నాయకులు, కార్యకర్తలు సమష్టిగా కృషి చేయాలని పిలుపునిచ్చారు. పార్టీ సిద్ధాంతాలను ప్రజల్లోకి తీసుకెళ్లడంతో పాటు, ప్రజా సమస్యల పరిష్కారానికి కృషి చేయాలని సూచించారు.