telanagana
34వ డివిజన్‌లో పర్యావరణ పరిరక్షణకు మొక్కల పంపిణీ
సూర్య నస్పూర్ : మంచిర్యాల మున్సిపల్ కార్పొరేషన్ పరిధిలోని 34వ డివిజన్‌లో పర్యావరణ పరిరక్షణ, పచ్చదనం పెంపే లక్ష్యంగా కార్పొరేటర్ అగ్గు సాగర్ ఆధ్వర్యంలో మొక్కల పంపిణీ కార్యక్రమం నిర్వహించారు. వార్డు ఆఫీసర్ సాయికృష్ణ, వార్డు అధ్యక్షుడు పెంచాల సహకారంతో డివిజన్‌లోని ప్రతి లైన్‌లో ప్రజలకు మొక్కలను పంపిణీ చేశారు. ఈ సందర్భంగా ప్రతి ఒక్కరూ మొక్కలు నాటి, వాటిని సంరక్షించాలని సూచించారు. మొక్కల పెంపకంతో పర్యావరణ సమతుల్యతను కాపాడటంతో పాటు కాలుష్యాన్ని తగ్గించవచ్చని పేర్కొన్నారు. పరిసరాలను పచ్చగా ఉంచేందుకు ప్రజలంతా మొక్కల పెంపకాన్ని బాధ్యతగా తీసుకోవాలని పిలుపునిచ్చారు.
