పెనుమూడి వద్ద 50 అడుగుల బుద్ధ విగ్రహాన్ని నెలకొల్పాలి

రేపల్లె మేజర్ న్యూస్; రేపల్లె మండలం పెనుమూడి చెక్ పోస్ట్ ఎదురుగా ఉన్న 30 సెంట్ల ఖాళీ స్థలంలో ప్రభుత్వం 50 అడుగుల బుద్ధ విగ్రహాన్ని నెలకొల్పి పెనుమూడి నదీ పరివాహక  ప్రదేశాన్ని పర్యాటక కేంద్రంగా అభివృద్ధి చేయాలని చైతన్య వేదిక కన్వీనర్ కొండపల్లి వెంకటేశ్వరరావు,ది ఆది ఆంధ్ర నవ బుద్ధిష్ట్ సొసైటీ కార్యదర్శి న్యాయవాది దోవా రమేష్ రాంజీ లు ప్రభుత్వాన్ని డిమాండ్ చేశారు. బోయిసత్వ బాబాసాహెబ్ అంబేద్కర్ బౌద్ధం స్వీకరించి 70 సంవత్సరాలు పూర్తయిన సందర్భంగా రేపల్లె పట్టణంలోని అంబేద్కర్ భవనం వద్ద బౌద్ధ ధర్మ ప్రవర్తన దినోత్సవ వేడుకలను నిర్వహించారు. ఈ సందర్భంగా వక్తలు మాట్లాడుతూ 11వ శతాబ్దం వరకు రేపల్లె ప్రాంతం లో భట్టిప్రోలు కేంద్రంగా బౌద్ధం విరజిల్లిందని, కృష్ణ పుష్కరాల సమయానికి పెనుమూడి వద్ద బుద్ధ విగ్రహాన్ని జాతీయ రహదారికి పక్కన ఏర్పాటు చేస్తే రేపల్లె ప్రాంతం మరింత ఇనుముడింప చేస్తుందన్నారు. 
ఇప్పటికే రేపల్లె శాసనసభ్యులు రాష్ట్ర రెవెన్యూ శాఖ మాత్యులు అనగాని సత్య ప్రసాద్ దృష్టికి అంబేద్కర్ వాదులు బుద్ధిష్టులు సదరు విషయాన్ని ఆయన దృష్టికి తీసుకెళ్లినందున మంత్రి స్థానుకులంగా స్పందించాలని విజ్ఞప్తి చేశారు. ప్రపంచ దేశాల్లో నేటికీ బౌద్ధం అనేక దేశాల్లో ప్రాచుర్యం పొందుతుందంటే అందుకు ప్రధాన కారణం బుద్ధుడు బోధించినటువంటి శాంతి మార్గమేనన్నారు. భౌద్ద మార్గాన్ని అనుసరించడం వలన ప్రపంచ దేశాల్లో బోధిసత్వ బిరుదుతో కీర్తింపబడినటువంటి ఏకైక వ్యక్తి అంబేద్కర్ మాత్రమే అని కీర్తించారు. బుద్ధుడు బోధించిన మార్గాన్ని పాటిస్తూ నవ బుద్ధుడు అంబేద్కర్ చూపిన మార్గాన్ని ప్రతి ఒక్కరు పాటించాలని కోరారు.  ఈ కార్యక్రమంలో మాజీ ప్రధానోపాధ్యాయులు ఆవుల సాంబశివరావు గాలి సురేష్ కుమార్  మేకతోటి మోక్షానందం తదితరులు పాల్గొన్నారు.