telanagana
స్మార్ట్‌ కార్డులపై గ్రామాల పేర్లు నమోదు చేయాలి!
కలెక్టర్‌కు సర్పంచుల వినతి
చౌటుప్పల్‌, మేజర్ న్యూస్: స్మార్ట్‌ రేషన్‌ కార్డులపై రెవెన్యూ గ్రామాల పేర్లతోపాటు గ్రామపంచాయతీల పేర్లను కూడా నమోదు చేయాలని మండలంలోని 14 గ్రామపంచాయతీల సర్పంచులు కోరారు. ఈ మేరకు బుధవారం జిల్లా కలెక్టర్‌ అనురాగ్‌ జయంతి, ఆర్డీవో శేఖర్‌రెడ్డి, తహసీల్దార్‌ వీరాభాయ్‌లకు వినతిపత్రం అందజేశారు. సమస్యను ఉన్నతాధికారుల దృష్టికి తీసుకెళ్లి పరిష్కారానికి కృషి చేస్తామని అధికారులు తెలిపినట్లు సర్పంచులు పేర్కొన్నారు. కార్యక్రమంలో సుర్వి మల్లేశ్‌ గౌడ్, గిర్కంటి నిరంజన్‌ గౌడ్, కైరంకొండ స్వప్న అశోక్‌, నందగిరి వెంకటేశం గౌడ్, తంగేళ్ల వెంకటేశం, గంజి వనజ కృష్ణ తదితరులు పాల్గొన్నారు.
