భట్టిప్రోలు మండలంలో జడ్పీటీసీ, ఎంపీటీసీ లకు రిజర్వేషన్ల ఖరారు

భట్టిప్రోలు, మేజర్ న్యూస్: రాష్ట్రవ్యాప్తంగా ప్రజలు ఆసక్తిగా ఎదురుచూస్తున్న స్థానిక సంస్థల ఎన్నికలు ఎట్టకేలకు ఖరారు అయ్యాయి. ఇందులో భాగంగా భట్టిప్రోలు మండలానికి సంబంధించిన జడ్పీటీసీ, ఎంపీపీ, ఎంపీటీసీ స్థానాల రిజర్వేషన్లను ప్రభుత్వం బుధవారం అధికారికంగా ప్రకటించింది. జిల్లా కలెక్టర్ కార్యాలయం  ఈ మేరకు నోటిఫికేషన్ విడుదల కావడంతో మండల రాజకీయాలు ఒక్కసారిగా వేడెక్కాయి.ఎన్నికల కోసం ఎదురుచూస్తున్న ఆశావహులకు ఈ ప్రకటనతో స్పష్టత వచ్చింది. తమకు అనుకూలంగా రిజర్వేషన్ వచ్చిన స్థానాల్లో పోటీ చేసేందుకు నాయకులు వ్యూహాలు రచిస్తున్నారు.
*ప్రధాన స్థానాల రిజర్వేషన్లు ఇలా...*
మండలంలో అత్యంత కీలకమైన జడ్పీటీసీ స్థానం ఎస్సీకి కేటాయించగా, ఎంపీపీ స్థానం బీసీ (మహిళ)కు కేటాయించారు. దీంతో ఈ రెండు ప్రధాన పదవుల కోసం ఆయా సామాజిక వర్గాల్లో పోటీ తీవ్రంగా ఉండనుంది.
*14 ఎంపీటీసీ స్థానాలకు క్లారిటీ*

మండల పరిధిలోని మొత్తం 14 ఎంపీటీసీ స్థానాల రిజర్వేషన్లను కూడా ప్రభుత్వం వెల్లడించింది. ఇందులో జనరల్ స్థానాలు ఎక్కువగా ఉండగా, మహిళలకు పెద్దపీట వేశారు.
*గ్రామాల వారీగా రిజర్వేషన్లు:*
- భట్టిప్రోలు-1 : ఎస్టీ
- భట్టిప్రోలు-2 : ఎస్సీ
- భట్టిప్రోలు-3 : అన్ రిజర్వుడ్ (జనరల్)
- భట్టిప్రోలు-4 : బీసీ
- చింతమోటు : అన్ రిజర్వుడ్ (మహిళ)
- గొరిగపూడి : అన్ రిజర్వుడ్ (మహిళ)
- ఐలవరం : అన్ రిజర్వుడ్ (జనరల్)
- కోనేటిపురం : ఎస్సీ (మహిళ)
- ఓలేరు : అన్ రిజర్వుడ్ (మహిళ)
- పల్లికోన : అన్ రిజర్వుడ్ (జనరల్)
- పెదపులివర్రు : అన్ రిజర్వుడ్ (మహిళ)
- సూరేపల్లి : ఎస్సీ (మహిళ)
- వెల్లటూరు-1 : బీసీ (మహిళ)
- వెల్లటూరు-2 : ఎస్సీ
ఈ రిజర్వేషన్ల ప్రకటనతో భట్టిప్రోలు మండలంలో ఎన్నికల వేడి మొదలైంది. జనరల్ స్థానాల్లో బలమైన నాయకులు, మహిళా రిజర్వుడ్ స్థానాల్లో ఆయా కుటుంబాల నుంచి మహిళా అభ్యర్థులను బరిలోకి దింపేందుకు ప్రధాన పార్టీలు కసరత్తు ప్రారంభించాయి. రాబోయే రెండు మూడు రోజుల్లో అభ్యర్థుల ఎంపికపై స్పష్టత వచ్చే అవకాశం ఉంది. కొంతమంది ఆశావహులు అనుకున్న స్థానాలు రిజర్వేషన్లు మారడంతో కొంత నిరుత్సాహానికి గురైనట్టు తెలియ వచ్చింది.