పిసిఆర్ ఫౌండేషన్ ఆధ్వర్యంలో బతుకమ్మ చీరల పంపిణీ

సూర్య, జన్నారం : జన్నారం మండలం పూనకల్ పంచాయతీ పరిధిలోగల గాంధీనగర్ కాలనీలో బుధవారం పూర్ణచంద్రరావు ఫౌండేషన్ ఆధ్వర్యంలో బతుకమ్మ పండుగ సందర్భంగా మహిళలకు చీరల పంపిణీ చేశారు. ఈ సందర్భంగా ఫౌండేషన్ వ్యవస్థాపకులు ముడుగు ప్రవీణ్ కుమార్ చేతుల మీదుగా రెండు వందల చీరలను మహిళలకు అందజేసి మాట్లాడుతూ బతుకమ్మ పండుగను సంతోషంగా జరుపుకోవాలని ఆలోచనతోనే ఈ కాలనీ మహిళలకు చీరలను పంపిణీ చేయడం జరిగిందని అన్నారు. ఫౌండేషన్ ఆధ్వర్యంలో ఇప్పటికీ అనేక కార్యక్రమాలు చేపట్టి ప్రజల మన్ననలు పొందుతున్నామని, ఆకలితో అలమటిస్తున్న వారిని సైతం ఆదుకోవడం జరిగిందని అన్నారు. ఈ పంపిణీ కార్యక్రమంలో పిసిఆర్ ఫౌండేషన్ సభ్యులు కానుగంటి దేవయ్య, నోముల రాజకుమార్, యాదగిరి కృష్ణారావు, దుర్గం తిరుపతి, సకినాల భూమేష్, స్థానిక ప్రెస్ క్లబ్ అధ్యక్షులు గాజుల లింగన్న గౌడ్ తదితరులు పాల్గొన్నారు.