కరెంటు కోతలతో పంటలెండిపోతున్నా ప్రభుత్వం పట్టించుకోదా...

వేల రూపాయల పెట్టుబడులతో పంటలు సాగుచేసి ఆందోళనలో ఉన్న అన్నదాతలను ప్రభుత్వం ఆదుకోవాలి…

విద్యుత్ కోతలతో నష్డపోయిన పంటలకు ప్రభుత్వం ఎకరాకు లక్ష రూపాయల పరిహారం అందించాలి…

కరెంట్ కోతలతో ఎండిన పంటలు పరిశీలించిన బీఆర్ఎస్ రాష్ట్ర మీడియా ప్యానలిస్టు లక్ష్మీనర్సింహ్మరెడ్డి…

సమయపాలన లేని విద్యుత్ కోతలతో వేల రూపాయల పెట్టుబడులతో సాగుచేసిన వరిపంటలు ఎండిపోతున్నా కాంగ్రెస్ ప్రభుత్వం పట్టించుకోకపోవడం శోచణీయమని బీఆర్ఎస్ పార్టీ రాష్ట్ర మీడియా ప్యానలిస్టు, కడ్తాల్ మాజీ సర్పంచ్ గూడూరు లక్ష్మినర్సింహ్మరెడ్డి అన్నారు.వానాకాలం సీజన్లో పచ్చగా కళకళలాడాల్సిన వరి పొలాలు, కరెంటు లేక, సరిపడా నీళ్లు లేక తమ కళ్ళముందే ఎండిపోతుండటంతో అన్నదాతల కుటుంబాలు దిక్కుతోచక తీవ్ర ఆవేదనకు గురవుతున్నారని ఆయన విచారం వ్యక్తం చేశారు. ఈ మేరకు బుధవారం కడ్తాల్ మండల కేంద్రంలోని  పలు వ్యవసాయ పొలాలను ఆయన పరిశీలించారు అదేవిధంగా తన వ్యవసాయ పొలంలో తాగు చేసిన వరి పంట సైతం నీరు పారక పూర్తిగా ఎండిపోయిందని దీనికి కారణం కాంగ్రెస్ ప్రభుత్వమే అని విద్యుత్ కోతల కారణమే అని ఆగ్రహంవ్యక్తం చేశారు. ఇది ముమ్మాటికి కాంగ్రెస్ ప్రభుత్వ వైఫల్యమే అని, ఎంతో కష్టపడి , వేల రూపాయల పెట్టుబడులు పెట్టి సాగు చేసిన వరి పంటకు నీరు అందక, మరోవైపు విద్యుత్ లేక పంటలు ఎండిపోతున్నాయని రైతులు ఆవేదన చెందుతున్నారని తెలిపారు. పంట చేతికొచ్చే సమయంలో ఎదురవుతున్న ఈ పరిస్థితులు తమను తీవ్ర ఆర్థిక సంక్షోభంలోకి నెట్టే ప్రమాదం ఉందని ఆయన పేర్కొన్నారు.వరి పంటలకు కీలకమైన సమయంలో నిరంతర విద్యుత్ సరఫరా, సాగునీటి లభ్యత ఎంతో అవసరమని, అలాంటి సమయంలో సరైన సరఫరా లేకపోవడం వల్ల పంటలు దెబ్బతింటున్నాయని ఆయన ఆవేదన వ్యక్తం చేశారు. ఒకవైపు పెట్టుబడుల భారం, మరోవైపు ఇంకోవైపు విద్యుత్ సమస్యలు, ప్రభుత్వ అసమర్థత తమను కుంగదీస్తున్నాయని ఆవేదన వ్యక్తం చేశారు.

రైతుల కష్టాలను ప్రభుత్వం వెంటనే గుర్తించి, వ్యవసాయానికి నిరంతర విద్యుత్ సరఫరా చేయడంతో పాటు సాగునీరు అందించేందుకు తక్షణ చర్యలు తీసుకోవాలని రైతులు పక్షాన డిమాండ్ చేస్తున్నట్లు లక్ష్మినర్సింహ్మరెడ్డి తెలిపారు. ఎండిపోతున్న పంటలను కాపాడి, అన్నదాతలకు న్యాయం చేయాలని అదేవిధంగా ఎండిపోయిన పంటలకు ఎకరాకు లక్ష రూపాయల పంట నష్ట పరిహారం ఇవ్వాలని ప్రభుత్వాన్ని డిమాండ్ చేశారు.

--------

పి.లక్ష్మణ్, మేజర్ న్యూస్: కడ్తాల్