national
లాభాల్లో ముగిసిన దేశీయ స్టాక్ మార్కెట్లు..
ముంబై: దేశీయ స్టాక్ మార్కెట్లు సోమవారం లాభాల బాటలో పయనించాయి. అంతర్జాతీయ మార్కెట్ల నుంచి సానుకూల సంకేతాలు అందడంతో పాటు, దేశీయ మదుపర్లు కొనుగోళ్లకు మొగ్గు చూపడంతో సూచీలు ఉత్సాహంగా కదిలాయి. ట్రేడింగ్ ముగిసే సమయానికి బీఎస్ఈ సెన్సెక్స్ 512 పాయింట్ల లాభంతో 82,104 వద్ద స్థిరపడింది. అటు నేషనల్ స్టాక్ ఎక్స్ఛేంజ్ సూచీ నిఫ్టీ కూడా 146 పాయింట్లు ఎగబాకి 25,291 పాయింట్ల వద్ద ముగిసింది.
ఉదయం నుంచే సానుకూలంగా ప్రారంభమైన మార్కెట్లు రోజంతా అదే జోరును కొనసాగించాయి. ముఖ్యంగా ఐటీ, బ్యాంకింగ్, ఆటోమొబైల్ రంగాల షేర్లలో కొనుగోళ్ల మద్దతు కనిపించడంతో సూచీలు కీలక మద్దతు స్థాయిలను అధిగమించి లాభాల్లో ముగిశాయి.