నామినేషన్ కేంద్రాలను పరిశీలించిన అదనపు ఎస్పి (ఏఆర్) శేషాద్రి
వినుకొండ : జిల్లా ఎస్పీ జగదీష్ ఆదహళ్లి ఆదేశాల మేరకు అదనపు ఎస్పీ (ఏఆర్) ఎల్. శేషాద్రి శావల్యాపురం మండలం వేల్పూరులోని పంచాయతీ ఎన్నికల నామినేషన్ కేంద్రాలను పరిశీలించారు. ఈ సందర్భంగా పోలీసు బందోబస్తు ఏర్పాట్లను సమీక్షించి, సిబ్బందికి పలు సూచనలు చేశారు.నామినేషన్ కేంద్రాల వద్ద డ్రోన్, సీసీ కెమెరాలతో నిరంతర నిఘా ఏర్పాటు చేయాలని, బాడీ వార్న్ కెమెరాలు తప్పనిసరిగా వినియోగించాలని, 100 మీటర్ల పరిధిలో పటిష్టమైన భద్రతా చర్యలు చేపట్టాలని ఆదేశించారు. ఎన్నికలు ప్రశాంతంగా జరిగేలా అప్రమత్తంగా విధులు నిర్వహించాలని, అవాంఛనీయ సంఘటనలకు పాల్పడేవారిపై చట్టపరమైన చర్యలు తీసుకోవాలని సూచించారు. ఈ కార్యక్రమంలో వినుకొండ రూరల్ సీఐ బ్రహ్మయ్య, శావల్యాపురం ఎస్ఐ, పోలీసు సిబ్బంది, ఎన్నికల అధికారులు పాల్గొన్నారు.
మల్లికార్జున్ రావు పల్నాడు జిల్లా ఇన్చార్జి..