andhrapradesh
అమరావతిలో 200 ఎకరాల్లో AVGC పార్క్.. 5 వేల ఎకరాల్లో సెమీకండక్టర్ పార్క్
అమరావతి: రాష్ట్రంలో సాంకేతిక విప్లవాన్ని తీసుకురావడంతో పాటు పారిశ్రామిక అభివృద్ధిని పరుగులు పెట్టించే దిశగా ఆంధ్రప్రదేశ్ ప్రభుత్వం కీలక అడుగు వేసింది. రాష్ట్రానికి భారీగా పెట్టుబడులను ఆకర్షించి, యువతకు పెద్ద ఎత్తున ఉపాధి అవకాశాలు కల్పించే లక్ష్యంతో ఏకంగా మూడు నూతన టెక్నాలజీ పాలసీలకు సంబంధించి ప్రభుత్వం సోమవారం అధికారిక ఉత్తర్వులు (జీవోలు) జారీ చేసింది. యానిమేషన్, విజువల్ ఎఫెక్ట్స్, గేమింగ్, కామిక్స్, ఎక్స్టెండెడ్ రియాలిటీ (AVGC-XR), రొబోటిక్స్, సెమీకండక్టర్ రంగాలలో ఆంధ్రప్రదేశ్ను దేశంలోనే అగ్రగామిగా నిలబెట్టేలా ఈ నూతన విధానాలను రూపొందించారు.
ఈ నూతన విధానాలలో భాగంగా రాజధాని అమరావతి వేదికగా 200 ఎకరాల సువిశాల విస్తీర్ణంలో అత్యధునాతన AVGC పార్క్ను ఏర్పాటు చేయాలని ప్రభుత్వం నిర్ణయించింది.
మరోవైపు, దేశీయంగా ,అంతర్జాతీయంగా అత్యంత డిమాండ్ ఉన్న సెమీకండక్టర్ల తయారీ రంగంలో పెట్టుబడులను ఆకర్షించేందుకు ప్రభుత్వం భారీ ప్రణాళికను సిద్ధం చేసింది.