హిందూపురం మున్సిపల్ వైస్ చైర్మన్ పదవి ముస్లిం సామాజిక వర్గానికి కేటాయించాలి..
హిందూపురం టౌన్ మేజర్ న్యూస్:హిందూపురం పట్టణంలో ముస్లిం సామాజిక వర్గానికి సంబంధించిన ఆత్మగౌరవం, ఐక్యత, రాజకీయ ప్రాతినిధ్యం ప్రధాన లక్ష్యంగా జామియా మసీదు పెద్దలు, మౌలానాలు కలిసి ముస్లిం ఐక్యవేదికను నిర్వహించారు.
ఈ సందర్భంగా హిందూపురం మున్సిపాలిటీ వైస్ చైర్మన్ పదవిని ముస్లిం సామాజిక వర్గానికి కేటాయించాలని ఐక్యవేదిక పెద్దలు విజ్ఞప్తి చేశారు. సాంప్రదాయంగా కొనసాగుతున్న వైస్ చైర్మన్ పదవిని ముస్లింలకు అందించడం ద్వారా వారి ఆత్మగౌరవానికి తగిన గుర్తింపు లభిస్తుందని పేర్కొన్నారు. అనంతరం
ఎమ్మెల్యే వ్యక్తిగత కార్యదర్శి శ్రీనివాసరావు మున్సిపల్ చైర్మన్ పురిడి మంజునాథ్ లకు తమ అభ్యర్థనను వినిపించి, ముస్లిం సామాజిక వర్గానికి వైస్ చైర్మన్ పదవి కల్పించేలా సహకరించాలని కోరారు.
ఈ కార్యక్రమంలో జామియా మసీదు ముతవల్లి అమీర్జాన్ భాష, ఫరూక్, మాజీ ముతవల్లీలు నూరుల్లా, పీఎస్ కలీముల్లా, మౌలానా షఫీక్, ముస్తార్ మౌలానా, సమీముల్లా మౌలానా, జాకీర్ మౌలానా, ఉమర్ ఫారూఖ్ ఖాన్ తదితరులు పాల్గొన్నారు.
నేటి దినపత్రిక సూర్య హిందూపురం టౌన్ రిపోర్టర్ యం.నాగరాజు..