అయ్యప్ప స్వామి దేవస్థానంలో వైభవంగా మండల పూజ, పుష్పయాగం
నరసరావుపేట: పట్టణంలోని సత్తెనపల్లి రోడ్డులో వేంచేసి ఉన్న శ్రీశ్రీశ్రీ అయ్యప్ప స్వామి దేవస్థానంలో సోమవారం మండల పూజ, పుష్పయాగం, రాత్రి పడిపూజ కార్యక్రమాలు భక్తిశ్రద్ధలతో వైభవంగా నిర్వహించారు. ఉదయం స్వామివారికి నిత్య పూజలు, అభిషేకాలు నిర్వహించిన అనంతరం 27 నక్షత్రాలకు ప్రతీకగా 27 రకాల పుష్పాలతో విశేష హోమం, పూర్ణాహుతి నిర్వహించారు. అనంతరం స్వామివారికి విశేష అలంకరణ, మహా మంగళహారతి, తీర్థప్రసాదాల పంపిణీ చేపట్టారు. భక్తులకు అన్నదాన కార్యక్రమం నిర్వహించారు. రాత్రి పడిపూజలో భక్తులు పెద్ద సంఖ్యలో పాల్గొని స్వామివారిని దర్శించుకు న్నారు. ఈ కార్యక్రమంలో దేవస్థానం అధ్యక్షులు ప్రవళిక సత్యం దంపతులు, కార్యదర్శి గంధం వెంకట సూర్యనారాయణ దంపతులు, మైలవరపు ధనుంజయ దంపతులు, కపిలవాయి రమేష్ చంద్రదత్, నెల్లూరి సూపర్ స్పెషాలిటీ ఆసుపత్రి వైద్యులు, చేగు వెంకటేశ్వరరావు, దేవాలయ కమిటీ సభ్యులు, కొత్తూరి ప్రసాదరావు, ఏవీఆర్కే సత్యనారాయణ తదితరులు పాల్గొన్నారు. ఉభయదాతలు కార్యక్రమ నిర్వహణలో భాగస్వాములయ్యారు.