telangana
ఉప సర్పంచుల సమస్యలు పరిష్కరించాలి - ప్రజావాణిలో ఉప సర్పంచుల ఫోరం వినతి
సూర్య జైనూర్ : సిర్పూర్ (యు) ఉప సర్పంచులకు గౌరవ వేతనం చెల్లించడంతో పాటు, గ్రామాభివృద్ధి పనుల్లో తగిన ప్రాధాన్యత కల్పించాలని కోరుతూ సిర్పూర్ (యు) మండల ఉప సర్పంచుల ఫోరం అధ్యక్షుడు పెందూర్ రామారావు ఆధ్వర్యంలో సోమవారం ప్రజావాణి స్పెషల్ అధికారికి వినతిపత్రం అందజేశారు.ఈ సందర్భంగా ఉప సర్పంచులు పలు డిమాండ్లను అధికారుల దృష్టికి తీసుకెళ్లారు. గ్రామసభలు, ఇతర అభివృద్ధి పనులకు సంబంధించిన తీర్మానాల్లో ఉప సర్పంచుల సంతకాలు తప్పనిసరిగా తీసుకోవాలని, శిలాఫలకాలపై ఉప సర్పంచుల పేర్లు కూడా పొందుపరచాలని కోరారు. మండల స్థాయి సర్వసభ్య సమావేశాలకు ఉప సర్పంచులను ఆహ్వానించాలని విజ్ఞప్తి చేశారు.అలాగే ఇందిరమ్మ ఇళ్ల పథకంలో సర్పంచులకు చైర్మన్ బాధ్యతలు అప్పగించిన విధంగానే ఉప సర్పంచులకు వైస్ చైర్మన్ బాధ్యతలు కల్పించాలని, అంగన్వాడీ కేంద్రాల పర్యవేక్షణ కమిటీల్లోనూ ఉప సర్పంచులకు వైస్ చైర్మన్ హోదా కల్పించాలని డిమాండ్ చేశారు. తమ సమస్యలు, డిమాండ్లను ఉన్నతాధికారుల దృష్టికి తీసుకెళ్లి ప్రభుత్వం పరిష్కరించాలని కోరారు.ఈ కార్యక్రమంలో మండల ఉప సర్పంచుల ఫోరం అధ్యక్షుడు పెందూర్ రామారావు,ఉప సర్పంచులు ముక్తురశావ్ గణపత్, సోయం రాజు,భీమ్ రావు,పార్వతి
పాల్గొన్నారు.