national
హర్యానాలో లారెన్స్ బిష్ణోయ్ గ్యాంగ్‌‌తో ఎన్‌కౌంటర్
హర్యానాలోని సోనిపట్‌లో లారెన్స్ బిష్ణోయ్ గ్యాంగ్‌కు చెందిన కీలక ఆపరేటివ్ రోహిత్‌పై పోలీసుల ఎన్‌కౌంటర్ జరిగింది. స్థానిక వ్యాపారిని బెదిరించి భారీగా డబ్బులు డిమాండ్ చేసినట్లు రోహిత్‌పై ఆరోపణలు ఉన్నాయి. పక్కా సమాచారంతో రంగంలోకి దిగిన పోలీసులను చూసి నిందితుడు కాల్పులు జరపగా, పోలీసులు తిప్పికొట్టారు. ఈ క్రమంలో రెండు కాళ్లకు బుల్లెట్ గాయాలైన రోహిత్‌ను పోలీసులు అదుపులోకి తీసుకున్నారు. అతడి వద్ద నుంచి ఒక పిస్టోల్, బైక్, బ్యాగ్‌ను స్వాధీనం చేసుకున్నారు. నిందితుడిపై ఇప్పటికే దాదాపు 12 క్రిమినల్ కేసులు నమోదు అయి ఉన్నట్లు అధికారులు తెలిపారు.
