బెంగళూరు ఎయిర్పోర్టు వద్ద హైడ్రామా.. జగన్ ఇంటికి వెళ్లకుండా షర్మిల, విజయమ్మలను అడ్డుకున్న పోలీసులు
బెంగళూరు: బెంగళూరు విమానాశ్రయం వద్ద ఏపీ కాంగ్రెస్ అధ్యక్షురాలు వై.ఎస్. షర్మిల, వై.ఎస్. విజయమ్మలకు ఊహించని పరిణామం ఎదురైంది. మాజీ సీఎం వై.ఎస్. జగన్ మోహన్ రెడ్డి నివాసమైన యలహంక ఇంటికి వెళ్లేందుకు వీరిద్దరూ ప్రయత్నించగా, పోలీసులు వారిని విమానాశ్రయంలోనే అడ్డుకున్నారు. కోర్టు ఆదేశాలను బేఖాతరు చేస్తూ జగన్ ఇంటికి వెళ్లేందుకు షర్మిల, విజయమ్మ సిద్ధమవగా, కోర్టు ఆదేశాలు ఉన్నందున అక్కడికి వెళ్లడానికి వీల్లేదని పోలీసులు స్పష్టం చేశారు. అయితే, తాను యలహంక ఇంటికే వెళ్తానంటూ షర్మిల పట్టుబట్టడంతో బెంగళూరు ఎయిర్పోర్టు వద్ద ఒక్కసారిగా హైడ్రామా నెలకొంది. ఈ క్రమంలో పోలీసులతో షర్మిల సుమారు 20 నిమిషాల పాటు వాగ్వాదానికి దిగారు. అయినప్పటికీ పోలీసులు అనుమతి నిరాకరించడంతో చేసేదేమీ లేక షర్మిల, విజయమ్మ అక్కడి నుండి వెనక్కి వెళ్లిపోయారు.