BREAKING
ఉచిత మెగా వైద్య శిబిరం చేరుకులపాడు సర్పంచ్ అభ్యర్థిగా శకుంతలమ్మ నామినేషన్ పోలియో చుక్కల కార్యక్రమాన్ని ప్రారంభించిన డీసీసీ అధ్యక్షులు పట్లోళ్ల చంద్రశేఖర్ రెడ్డి. పల్స్ పోలియో - మన పిల్లల భవిష్యత్తుకు రక్షణ టెలికం బోర్డు మెంబర్ బీజేపీ జిల్లా నాయకులు బైండ్ల కుమార్ పేకాట స్థావరంపై పోలీసుల దాడి నూతన వధూవరులను ఆశీర్వదించిన ఎమ్మెల్యే.. రెండు చుక్కలు జీవితానికి రక్షణ: సర్పంచ్ మేఘనాథ్ రెడ్డి నిరుపేదలకు ఆరోగ్య భరోసా కల్పించడమే లక్ష్యం లయన్స్ క్లబ్ నేరేడుచర్ల ఆధ్వర్యంలో ఉచిత వైద్య శిబిరం పల్స్ పోలియో చుక్కలు వేయించాలి: సర్పంచ్ బొక్క సువర్ణ అంజిరెడ్డి స్థానిక సంస్థల ఎన్నికల్లో కూటమి విజయానికి కృషి చేసిన నాయకులు, కార్యకర్తలకు ధన్యవాదాలు...గుత్తుల సాయి… ఎన్విడియాకు మరో భారీ షాక్: జెన్సెన్ హువాంగ్ నిష్క్రమణ తర్వాత అకౌంటింగ్ అవకతవకలపై యూఎస్ ఎస్‌ఈసీ దర్యాప్తు! రాచులూర్ లో పల్స్ పోలియో కార్యక్రమం డీసీసీ అధ్యక్షుడిగా ధారాసింగ్ నాయక్‌కు ఏడాది పూర్తి.. పెద్దేముల్ మండల కాంగ్రెస్ నేతల శుభాకాంక్షలు ప్రతి చిన్నారికి పోలియో చుక్కలు వేయించాలి ఎన్.నగరం సర్పంచ్ బరిలో లక్ష్మీదేవమ్మ, గాయత్రి ఎంపీడీవో కార్యాలయంలో వేర్వేరుగా నామినేషన్ల దాఖలు తరలివచ్చిన గ్రామస్థులు, మద్దతుదారులు.. సందడిగా మారిన పరిసరాలు

ది ప్యారడైజ్’ కంటెంట్ అద్భుతంగా వచ్చింది.. దర్శకుడు శ్రీకాంత్ ఓదెల ఇంటర్వ్యూ విశేషాలు

Select Suryaa Now
ది ప్యారడైజ్’ కంటెంట్ అద్భుతంగా వచ్చింది.. దర్శకుడు శ్రీకాంత్ ఓదెల ఇంటర్వ్యూ విశేషాలు

సూర్య ఎంటర్‌టైన్‌మెంట్ డెస్క్: న్యాచురల్ స్టార్ నాని హీరోగా, శ్రీకాంత్ ఓదెల దర్శకత్వంలో ఎస్‌ఎల్‌వీ సినిమాస్ బ్యానర్‌పై సుధాకర్ చెరుకూరి భారీ స్థాయిలో నిర్మించిన పాన్ ఇండియా పీరియడ్ యాక్షన్ ఎంటర్‌టైనర్ ‘ది ప్యారడైజ్’. సెప్టెంబర్ 24న ప్రపంచవ్యాప్తంగా విడుదల కానున్న ఈ సినిమా విశేషాలను దర్శకుడు శ్రీకాంత్ ఓదెల విలేకరుల సమావేశంలో పంచుకున్నారు. ఈ కథకు నిజ జీవిత సంఘటనలు, కొన్ని పాత్రలు, ఫిక్షన్ మూలాలు ఉన్నాయని, తన చిన్నతనంలో అమ్మగారు తనకు జడలు వేసి పెంచిన జ్ఞాపకాల నుంచి హీరో జడల క్యారెక్టర్ ఆలోచన వచ్చిందని ఆయన తెలిపారు.

‘దసరా’ సినిమాను ఒక మంచి డ్రామాగా తీర్చిదిద్దినప్పటికీ, కమర్షియల్ మాస్ కోణంలో ప్రేక్షకులు ఆశించిన దానికంటే భిన్నమైన అనుభూతిని పొందినట్లు ఆయన పేర్కొన్నారు. అయితే ఈసారి ఆడియన్స్ కోరుకునే మాస్, యాక్షన్ అంశాలతో పాటు శక్తివంతమైన ఎమోషన్స్‌ను బ్లెండ్ చేసి ‘ది ప్యారడైజ్’ చిత్రాన్ని తీసుకువస్తున్నామని తెలిపారు. ఈ చిత్రంలో యాక్షన్ కంటే ఎమోషనే ఎక్కువగా డామినేట్ చేస్తుందని, మదర్ అండ్ సన్ సెంటిమెంట్ ప్రేక్షకులను కచ్చితంగా కనెక్ట్ చేస్తుందని ఆయన ధీమా వ్యక్తం చేశారు.

ఈ చిత్రంలో మోహన్ బాబు పాత్ర ఎంతో కీలకంగా ఉంటుందని, హీరోతో ఆయన వచ్చే సీన్స్ చాలా ఇంట్రెస్టింగ్‌గా సాగుతాయని శ్రీకాంత్ ఓదెల వెల్లడించారు. అలాగే సంపూర్ణేష్ బాబు హీరో ఫ్రెండ్‌గా కొత్త పర్ఫార్మెన్స్‌తో అలరిస్తారని చెప్పారు. సంగీత దర్శకుడు అనిరుధ్‌తో పనిచేయడం చాలా సంతోషంగా ఉందని, తమద్దరి ఫ్రెండ్‌షిప్ కేమిస్ట్రీ మ్యూజిక్‌లో చక్కగా కుదిరిందని, ఇందులో బిట్ సాంగ్స్‌తో కలుపుకుని మొత్తం ఆరు పాటలు ఉంటాయని తెలిపారు.

సినిమాకు సంబంధించి ట్రైలర్ విడుదల చేయకపోవడంపై స్పందిస్తూ, చిన్నప్పుడు మనం ఎలాంటి అంచనాలు లేకుండా థియేటర్‌కు వెళ్లి సినిమా చూసి ఎలా సర్‌ప్రైజ్ అయ్యేవాళ్లమో, ఈ సినిమా విషయంలోనూ ఆడియన్స్ అలాగే థియేటర్‌లో సర్‌ప్రైజ్ కావాలనే ఉద్దేశంతోనే ట్రైలర్ ఇవ్వలేదని ఆయన స్పష్టం చేశారు. ఎక్కడా రీషూట్లు లేకుండా బౌండ్ స్క్రిప్ట్ ప్రకారమే 170 రోజుల్లో షూటింగ్ పూర్తి చేశామని, ‘జగడం’ సినిమా చూసి ఇన్‌స్పైర్ అయ్యి సుకుమార్ గారి వద్ద శిష్యరికంతో ఇండస్ట్రీకి వచ్చానని శ్రీకాంత్ ఓదెల గుర్తుచేసుకున్నారు. సినిమా విడుదలైన తర్వాత కొద్ది రోజులు రెస్ట్ తీసుకొని, ఆ తర్వాత మెగాస్టార్ చిరంజీవితో సినిమా ఉంటుందని ఆయన స్పష్టం చేశారు.