యూట్యూబ్‌లో ‘సీటి చీర’ మాస్ జాతర.. పెళ్లిళ్లు, దావత్‌లలో ఇక ఈ పాటే డీజే దుమ్ము!
తెలంగాణ పల్లె పాటలకు ఇప్పుడు కేవలం తెలుగు రాష్ట్రాల్లోనే కాదు.. దేశవ్యాప్తంగా ప్రత్యేక క్రేజ్ ఏర్పడుతోంది. అర్థం తెలియని వాళ్లు సైతం మాస్ బీట్‌కు ఫిదా అవుతూ స్టెప్పులు వేస్తున్నారు. దీంతో తెలంగాణ ఫోక్ సాంగ్స్ సోషల్ మీడియాలో వరుసగా వైరల్ అవుతున్నాయి.
తాజాగా ఈ జాబితాలో ‘సీటి చీర’ (Seeti Cheera) అనే జానపద గీతం చేరింది. యూట్యూబ్‌లోకి వచ్చినప్పటి నుంచి ఈ పాటకు మంచి స్పందన లభిస్తోంది. సోషల్ మీడియా ప్లాట్‌ఫామ్‌లలోనూ పాటకు సంబంధించిన వీడియోలు, రీల్స్ నెటిజన్లను ఆకట్టుకుంటున్నాయి.
మాస్ బీట్.. పక్కా పల్లెటూరి ఫ్లేవర్.. అదిరిపోయే వాయిస్ ఈ పాటకు ప్రధాన ఆకర్షణగా నిలుస్తున్నాయి. జానపద గాయకులు నర్సింహులు, నాగవ్వ తమ ప్రత్యేకమైన గాత్రంతో పాటకు మరింత జోష్ తీసుకొచ్చారు. సంగీత దర్శకుడు రవి కళ్యాణ్ అందించిన సంగీతం పాటకు మాస్ టచ్‌ను జోడించింది.
ముఖ్యంగా పాటలోని ఎనర్జిటిక్ బీట్స్ వేడుకల వాతావరణానికి సరిగ్గా సరిపోయేలా ఉన్నాయి. దీంతో పెళ్లిళ్లు, దావత్‌లు, పండుగలు, ఇతర సెలబ్రేషన్స్‌లో డీజే సాంగ్‌గా ‘సీటి చీర’ హంగామా చేసే ఛాన్స్ కనిపిస్తోంది.
ఇప్పటికే సోషల్ మీడియాలో పాటపై ఆసక్తి పెరుగుతుండటంతో.. రాబోయే రోజుల్లో దీనికి మరింత ఆదరణ దక్కే అవకాశం ఉంది. ఒకవైపు ట్రెడిషనల్ ఫోక్ ఫ్లేవర్, మరోవైపు మాస్ మ్యూజిక్ కలయికతో ‘సీటి చీర’ నెటిజన్లను తనవైపు తిప్పుకుంటోంది.
తెలంగాణ జానపద సంగీతానికి ఉన్న మాస్ పవర్‌ను మరోసారి చాటుతూ ఈ పాట యూట్యూబ్, సోషల్ మీడియాల్లో తన జోష్ చూపిస్తోంది.
