మాస్ యాక్షన్ ఎంటర్టైనర్గా కార్తిక్ జయంతి ‘రాయవలస’.. నవంబర్ 20న గ్రాండ్ రిలీజ్
సూర్య ఎంటర్టైన్మెంట్ డెస్క్: టాలీవుడ్ బాక్సాఫీస్ వద్ద మరో పక్కా మాస్ యాక్షన్ ఎంటర్టైనర్ సంచలనం సృష్టించేందుకు సర్వం సిద్ధం చేసుకుంటోంది. నూతన నటుడు కార్తిక్ జయంతి కథానాయకుడిగా పరిచయమవుతున్న తాజా చిత్రం రాయవలస సినిమాకు సంబంధించిన విడుదల తేదీని చిత్ర యూనిట్ తాజాగా అధికారికంగా ప్రకటించింది. రాయలసీమ నేపథ్యంతో కూడిన వైల్డ్ అండ్ ఎమోషనల్ యాక్షన్ డ్రామాగా తెరకెక్కుతున్న ఈ చిత్రాన్ని నవంబర్ 20వ తేదీన ప్రపంచవ్యాప్తంగా థియేటర్లలో విడుదల చేయనున్నట్లు మేకర్స్ వెల్లడించారు. ఇప్పటికే విడుదలైన టీజర్ మరియు పవర్ఫుల్ పోస్టర్లు సినిమాపై అంచనాలను భారీగా పెంచేయగా, హీరో కార్తిక్ జయంతి మాస్ లుక్స్ ప్రేక్షకులను ఎంతగానో ఆకట్టుకుంటున్నాయి.
ఈ చిత్రానికి ఒక ప్రత్యేకత ఉంది. హీరో కార్తిక్ జయంతిని కథానాయకుడిగా పరిచయం చేస్తూ ఆయన తల్లి రాధిక జయంతి ఈ చిత్రానికి దర్శకత్వం వహిస్తున్నారు. రేసన్ ప్రొడక్షన్స్ పతాకంపై గోపీకృష్ణ జె ఈ చిత్రాన్ని అత్యంత ప్రతిష్టాత్మకంగా నిర్మిస్తున్నారు. తాజాగా విడుదల చేసిన పోస్టర్లో హీరో కార్తిక్ చేతిలో త్రిశూలం పట్టుకుని అమ్మవారి విగ్రహం ముందు నిలబడి ఉన్న లుక్ ఆధ్యాత్మిక మరియు మాస్ ఎలిమెంట్ల సమ్మిళితంగా కనిపిస్తోంది. డెబ్యూ హీరో అయినప్పటికీ కార్తిక్ జయంతి చూపిన ఇంటెన్స్ నటన మరియు పవర్ఫుల్ యాక్షన్ ఎలిమెంట్స్ సినిమాకు ప్రధాన ఆకర్షణగా నిలవనున్నట్లు తెలుస్తోంది.
ఈ చిత్రంలో శ్రీష నులు నాయికగా నటిస్తుండగా, అన్నపూర్ణమ్మ, అనిత చౌదరి, జయప్రకాశ్, రవి వర్మ, కాశీ విశ్వనాథ్ వంటి ప్రముఖ తారాగణం కీలక పాత్రలు పోషిస్తున్నారు. ఈ సినిమాకు అర్జున్ బాలా సంగీతం అందిస్తుండగా, ప్రముఖ గాయకులు ఆలపించిన పాటలు ఇప్పటికే శ్రోతలను అలరిస్తున్నాయి. భావోద్వేగం, యాక్షన్ మరియు అద్భుతమైన సంగీతం కలగలిపిన కంప్లీట్ ఎంటర్టైనర్గా రూపుదిద్దుకున్న ఈ సినిమా థియేటర్లలో ప్రేక్షకులకు సరికొత్త అనుభూతిని పంచనుందని చిత్ర యూనిట్ ధీమా వ్యక్తం చేస్తుంది.
