సస్పెన్స్ ఎంటర్టైనర్గా 'మిస్ కాళికా మిస్సింగ్'.. అక్టోబర్లో విడుదలకు ముస్తాబు!
సూర్య ఎంటర్టైన్మెంట్ డెస్క్: వినీత్ చంద్ర, డాలీషా జంటగా నటిస్తున్న తాజా చిత్రం 'మిస్ కాళికా మిస్సింగ్'. సత్య ధనేకుల దర్శకత్వంలో తెరకెక్కుతున్న ఈ సస్పెన్స్ థ్రిల్లర్ చిత్రాన్ని రామకృష్ణ, పదిమల యమున సంయుక్తంగా నిర్మిస్తున్నారు. ఇటీవల అన్ని పోస్ట్ ప్రొడక్షన్ కార్యక్రమాలను విజయవంతంగా పూర్తి చేసుకున్న ఈ సినిమా, త్వరలోనే ప్రేక్షకుల ముందుకు వచ్చేందుకు సిద్ధమవుతోంది.
ఈ సందర్భంగా నిర్మాతలు మాట్లాడుతూ.. పూర్తి సస్పెన్స్, ఉత్కంఠభరితమైన ఎంటర్టైన్మెంట్తో ఈ చిత్రాన్ని రూపొందించినట్లు తెలిపారు. మునుపెన్నడూ చూడని వినూత్నమైన కథానంతో ఈ సినిమా చిత్రీకరణ ప్రతి ఒక్కరినీ అలరిస్తుందని ధీమా వ్యక్తం చేశారు. అంతేకాకుండా సంగీత పరంగా ఈ చిత్రం ప్రేక్షకులను విశేషంగా ఆకట్టుకుని మంచి మార్కులు సాధిస్తుందని పేర్కొన్నారు.
ఈ చిత్రంలో ఎస్తేర్, అజయ్ ఘోష్, బ్రహ్మాజీ, ఆలీ, జ్యోతి, నాగ మహేష్, గుండు సుదర్శన్ తదితరులు కీలక పాత్రల్లో కనిపించనున్నారు. ప్రస్తుతం పోస్ట్ ప్రొడక్షన్ పనులన్నీ పూర్తవ్వడంతో, ఈ చిత్రాన్ని అక్టోబర్ నెలలో గ్రాండ్గా విడుదల చేయడానికి మేకర్స్ సన్నాహాలు చేస్తున్నారు.
