Dont Trouble The Trouble: ఆసక్తికరంగా 'డోంట్ ట్రబుల్ ద ట్రబుల్' ట్రైలర్

సూర్య ఎంటర్‌టైన్‌మెంట్ డెస్క్: మలయాళ చిత్రాలతో పాటు 'పుష్ప' సినిమాతో తెలుగు ప్రేక్షకులకు సుపరిచితుడైన వర్సటైల్ నటుడు ఫహాద్ ఫాజిల్ హీరోగా నటించిన స్ట్రెయిట్ తెలుగు చిత్రం 'డోంట్ ట్రబుల్ ద ట్రబుల్'. శశాంక్ యేలేటి దర్శకత్వంలో తెరకెక్కిన ఈ చిత్రాన్ని ప్రముఖ దర్శకుడు ఎస్.ఎస్. రాజమౌళి సమర్పణలో బాహుబలి నిర్మాత శోభు యార్లగడ్డ, ప్రసాద్ దేవినేనిలతో కలిసి ఎస్.ఎస్. కార్తికేయ నిర్మించారు. అక్టోబర్ 2న సినిమా విడుదల కానున్న నేపథ్యంలో మేకర్స్ తాజాగా ఈ చిత్ర ట్రైలర్‌ను విడుదల చేశారు.

విడుదలైన ట్రైలర్ ఎంతో ఆసక్తికరంగా ఉంటూ సినిమాపై అంచనాలను ఒక్కసారిగా పెంచేసింది. అల్లావుద్దీన్ మ్యాజిక్ స్టైల్‌లో మాయలు, మంత్రాలు తెలిసిన ఒక చిన్న పాప.. హీరో జీవితంలోకి ఎలా ప్రవేశించింది? ఆమె రాకతో అతని జీవితంలో ఎదురైన చిత్ర విచిత్రమైన పరిస్థితులు ఏమిటి? అనే విషయాలను దర్శకుడు ఎంతో కామెడీగా, వినోదాత్మకంగా ట్రైలర్‌లో చూపించారు.

రిచ్ విజువల్స్, అద్భుతమైన బ్యాక్‌గ్రౌండ్ స్కోర్ ఈ ట్రైలర్‌కి ప్రధాన ఆకర్షణగా నిలిచాయి. ఇప్పటికే మలయాళంలో వరుస హిట్లతో దూసుకుపోతున్న ఫహాద్ ఫాజిల్.. ఈ ఫాంటసీ కామెడీ చిత్రంతో స్ట్రెయిట్ తెలుగు హీరోగా ఎలాంటి విజయాన్ని అందుకుంటారో చూడాలని టాలీవుడ్ వర్గాలు మరియు సినీ అభిమానులు ఆసక్తిగా ఎదురుచూస్తున్నారు.