వి.ఎస్.యూ.లో అబ్దుల్ కలాంకు ఘన నివాళి

వెంకటాచలం మేజర్ న్యూస్  :    విక్రమ సింహపురి విశ్వవిద్యాలయంలో భారత మాజీ రాష్ట్రపతి, ప్రముఖ శాస్త్రవేత్త భారతరత్న డాక్టర్ ఏ.పి.జె. అబ్దుల్ కలాం జయంతిని పురస్కరించుకుని ఘనంగా నివాళులర్పించారు. వర్సిటీ వీసీ ఆచార్య అల్లం శ్రీనివాసరావు కలాం విగ్రహానికి పూలమాల వేసి నివాళులర్పించారు. ఈ సందర్భంగా ఆయన మాట్లాడుతూ, దేశానికి కలాం అందించిన సేవలు చిరస్మరణీయమని, శాస్త్ర సాంకేతిక రంగాల్లో ఆయన కృషి భారతదేశ కీర్తిని ప్రపంచవ్యాప్తంగా చాటిందని కొనియాడారు. విద్యార్థులు కలాం ఆశయాలను ఆదర్శంగా తీసుకుని క్రమశిక్షణ, కృషి, పట్టుదలతో ఉన్నత లక్ష్యాలను సాధించాలని పిలుపునిచ్చారు. కార్యక్రమంలో వర్సిటీ రిజిస్ట్రార్ ఆచార్య కె. సునీత, సహాయ రిజిస్ట్రార్ డాక్టర్ జి. సుజయ్ కుమార్ తదితరులు పాల్గొన్నారు.