విద్యుత్ సేవా లోపాలను తక్షణమే పరిష్కరించాలి
-చైర్పర్సన్ డాక్టర్ బి. సత్యనారాయణ
కోటబొమ్మాళి, నవంబరు 18, మేజర్ న్యూస్: విద్యుత్ పంపిణీ వ్యవస్థలో వినియోగదారులకు ఎదురయ్యే సేవా లోపాలను సిబ్బంది సత్వరమే పరిష్కరించాలని విద్యుత్ వినియోగదారుల సమస్యల పరిష్కార వేదిక (సిజిఆర్ఎఫ్) చైర్పర్సన్ డాక్టర్ బి. సత్యనారాయణ ఆదేశించారు. బుధవారం స్థానిక ప్రభుత్వ జూనియర్ కళాశాల, మండల పరిషత్ ఆవరణలో నిర్వహించిన వినియోగదారుల సమస్యల పరిష్కార వేదికలో ఆయన మాట్లాడారు. విద్యుత్ సిబ్బంది నిర్లక్ష్యంగా వ్యవహరిస్తే వినియోగదారులు న్యాయస్థానాన్ని ఆశ్రయించవచ్చని, సమస్యల పరిష్కారం కోసం స్థానిక అసిస్టెంట్ ఇంజనీర్ (ఎఈ) కార్యాలయాన్ని గానీ, 1912 టోల్ ఫ్రీ నంబర్ను గానీ సంప్రదించాలని సూచించారు. 2026లో తమ దృష్టికి వచ్చిన 787 ఫిర్యాదులలో ఇప్పటివరకు 687 పరిష్కరించగా, మరో 103 పెండింగ్లో ఉన్నాయని వెల్లడించారు. ఈ కార్యక్రమంలో ఆర్థిక సభ్యులు ఎస్. సుబ్బారావు, స్వతంత్ర సభ్యులు ఎన్. మురళీకృష్ణ, తహసీల్దార్ ప్రసాద్ రావు, విద్యుత్ శాఖ ఏఈ కోటేశ్వరరావు తదితరులు పాల్గొన్నారు.