సర్పంచ్ ఎన్నికల్లో అభ్యర్థుల గెలుపు కోసం పని చేయండి... ఎమ్మెల్యే పులివర్తి నాని
తిరుపతి రూరల్, మేజర్ న్యూస్ :
చంద్రగిరి నియోజకవర్గంలోని ఎన్నికలలో సర్పంచ్ ఎన్నికలలో ఎన్డీఏ కూటమి బలపరిచిన అభ్యర్థుల గెలుపు కోసం నాయకులు కార్యకర్తలు సమన్వయంతో పని చేయాలని ఎమ్మెల్యే పులివర్తి నాని సూచించారు. ఎమ్మెల్యే పులివర్తి నాని కార్యాలయంలో బుధవారం నియోజకవర్గ పరిధిలోని తిరుపతి రూరల్ మండలంలో నూతనంగా ఎన్నికైన ఎంపీటీసీలు, ముఖ్య నేతలు, పార్టీ నాయకులతో సమావేశమయ్యారు. ఈ సందర్భంగా ఎమ్మెల్యే మాట్లాడుతూ ఎంపిటిసి ఎన్నికలలో సాధించిన విజయాన్ని స్ఫూర్తిగా తీసుకొని అదే ఉత్సాహంతో రాబోయే సర్పంచ్ ఎన్నికలలో కూటమి అభ్యర్థుల గెలుపు కోసం ప్రతి ఒక్కరు కృషి చేయాలన్నారు. గ్రామాల్లో ఎలాంటి విభేదాలకు తావు లేకుండా కూటమిలోని అన్ని పక్షాల నాయకులు కార్యకర్తలు ఒకే తాటిపైకి వచ్చి సమిష్టిగా అభ్యర్థుల గెలుపు కోసం పనిచేయాలన్నారు. అనంతరం తుడా చైర్మన్ డాక్టర్ డాలర్స్ దివాకర్ రెడ్డి మాట్లాడుతూ రాష్ట్రంలో కూటమి ప్రభుత్వం అమలు చేస్తున్న అభివృద్ధి సంక్షేమ కార్యక్రమాలను గ్రామీణ స్థాయిలో ప్రతి ఒక్క ఇంటికి తీసుకెళ్లే బాధ్యత నాయకులు కార్యకర్తలు లేనని చెప్పారు. ఈ సమావేశంలో తిరుపతి రూరల్ మండలం టిడిపి అధ్యక్షులు ఈశ్వర్ రెడ్డి, బడి సుధా యాదవ్, మధు శేఖర్, పేరూరు నాగూరు శ్రీనివాసులు పార్టీ నాయకులు పాల్గొన్నారు.
H. Dwaraka, staff reporter
9705347341