ఎస్.రాయవరం ఎంపీపీ గా నల్లపరాజు వెంకటరాజు ప్రమాణ స్వీకారం నేడే!
ఎస్.రాయవరం, నవంబర్ 18, మేజర్ న్యూస్:
ఎస్. రాయవరం మండల ప్రజా పరిషత్ కార్యాలయంలో గురువారం నూతన పాలకవర్గ ప్రమాణ స్వీకార కార్యక్రమం ఘనంగా జరగనుంది.
గురువారం ఉదయం మండల పరిషత్ ప్రాదేశిక నియోజకవర్గ సభ్యుల సమక్షంలో ఈ కార్యక్రమం జరుగనుంది. ముందుగా మండల పరిషత్ కో-ఆప్షన్ సభ్యుని ఎన్నిక నిర్వహించి, అనంతరం మండల పరిషత్ అధ్యక్షులు, ఉపాధ్యక్షుల ఎన్నికను ప్రిసైడింగ్ అధికారి నిర్వహిస్తారు. ఈ ఎన్నికలో ఎస్.రాయవరం మండల పరిషత్ అధ్యక్షులుగా నల్లపరాజు వెంకటరాజు ఏకగ్రీవంగా ఎన్నికై ప్రమాణ స్వీకారం చేయించే కార్యక్రమం లంఛనమే!
ఇదే సందర్భంలో నూతన మండల పరిషత్ అధ్యక్షులుగా పీఠంపై అశీనులు కాబోతున్న 'నల్లపరాజు వెంకటరాజు' మాట్లాడుతూ, మండల అభివృద్ధికి కృషి చేస్తానని, ప్రభుత్వ సంక్షేమ పథకాలను ప్రతి గడపకు చేర్చుతానని హామీ ఇచ్చారు. ఈ కార్యక్రమానికి నూతన ఎంపీటీసీ సభ్యులు హాజరు కానున్నారు.