ప్రభుత్వ ఆదేశాలు భేఖతర్ ఎమ్మార్పీ కన్నా మద్యం అధిక ధరలు
రావికమతం నవంబర్ 18 మేజర్ న్యూస్: లైసెన్స్ పొందిన మద్యం దుకాణాల నిర్వాహకులు నిబంధనలు అతిక్రమించి ఎమ్మార్పీ కన్నా అదనంగా బాటిల్ కు పది రూపాయలు అధికంగా అమ్ముతున్నారని ప్రభుత్వ ఖజానాకు ఆదాయం చేకూర్చే మద్యం ప్రియులు ఆగ్రహం వ్యక్తం చేస్తున్నారు.. ఈ దోపిడిని అరికట్టాల్సిన అధికారులు చూసి చూడనట్టు వ్యవహరిస్తుండటంతో దుకాణదారులు బరితెగిస్తున్నారని టాక్స్ ప్లేయర్స్ మండిపడుతున్నారు. అధిక ధరలపై మీడియాలో కథనాలు వచ్చిన సందర్భంలో తుతూ మంత్రంగా తనిఖీలు జరిపి చేతులు దులుపుకుంటున్నారని వాపోతున్నారు. మరొకవైపు షాపు పరిధిలో ఉన్న గ్రామాలలో సందు సందులో బెల్ట్ షాపులు ఏర్పాటుచేసి మద్యం ఏరులై పారెందుకు దారులు తెరుస్తున్నారు. ఈ బెల్ట్ షాపులో ఎమ్మార్పీ కన్నా ప్రతి బాటిల్ పైన నిర్వాహకులు అదనంగా 20 రూపాయలు మద్యం ప్రియుల నుంచి ముక్కు పిండి వసూలు చేస్తున్నారు . ఆరోగ్యాన్ని పణంగా పెట్టి ఖజానాకు ఆదాయం సమకూర్చుతున్న తమ బాధలు ప్రభుత్వం పట్టించుకోకపోవడంపై త్యాగమూర్తులు ఆవేదన వ్యక్తం చేస్తున్నారు.