విద్యతోనే ఉజ్వల భవిష్యత్తు: ఎం ఈ ఓ

చీపురుపల్లి నవంబర్ 14 మేజర్ న్యూస్ : పుస్తకాలు చదవడం ద్వారా విద్యార్థులు ఉజ్వల భవిష్యత్తు పొందగలరని చీపురుపల్లి మండల విద్యాశాఖ అధికారి భూసి నాయుడు అన్నారు. చీపురుపల్లి శాఖ గ్రంథాలయంలో 59వ జాతీయ గ్రంథాలయ వారోత్సవాలు శనివారం నిర్వహించారు. గ్రంథాలయాల ప్రాముఖ్యత, పుస్తక పఠనం వల్ల కలిగే ప్రయోజనాల గురించి ముఖ్య అతిథులు విద్యార్థులకు వివరించారు. ఈ సందర్భంగా విద్యార్థులకు వివిధ పోటీలు నిర్వహించి, గెలుపొందిన వారికి బహుమతులు అందజేశారు. గ్రంథాలయం అభివృద్ధికి, పాఠకుల సంఖ్య పెంపునకు అందరూ కృషి చేయాలని కోరారు. ఈ కార్యక్రమంలో గ్రంథాలయ అధికారి ఎం ఉషారాణి, విద్యాశాఖ సిబ్బంది, విద్యార్థులు, పాఠకులు పాల్గొన్నారు.