విద్యార్థులకు స్టడీ మెటీరియల్స్ పంపిణి
సంతబొమ్మాళి, నవంబర్ 18,మేజర్ న్యూస్ :
యమల పేట జిల్లా పరిషత్ ఉన్నత పాఠశాలలో పదవ తరగతి చదువుతున్న విద్యార్థులకు రాబోయే పబ్లిక్ పరీక్షలను దృష్టిలో ఉంచుకుని దుక్క తలస రెడ్డి తెలుగు, ఆంగ్లం సబ్జెక్టులకు సంబంధించిన ప్రత్యేక మెటీరియల్ పుస్తకాలను అందజేశారు. స్టడీ మెటీరియల్ పుస్తకాలను దుక్క తులసి రెడ్డి మరియు ప్రధానోపాధ్యాయులు మీసాల శ్రీనివాసరావు చేతుల మీదుగా పంపిణీ చేశారు.
ఈ సందర్భంగా ప్రధానోపాధ్యాయులు మీసాల శ్రీనివాసరావు మాట్లాడుతూ.. పాఠశాల అభివృద్ధితో పాటు విద్యార్థుల భవిష్యత్తును దృష్టిలో ఉంచుకుని వారికి అవసరమైన విద్యా సామగ్రిని అందజేయడం అభినందనీయమని అన్నారు. గతంలో కూడా పాఠశాల కార్యాలయానికి అవసరమైన సామగ్రిని అందించి సహకరించారని గుర్తుచేశారు.
విద్యార్థుల చదువుకు తోడ్పాటునందిస్తూ, పాఠశాల పట్ల ప్రత్యేక శ్రద్ధ చూపుతున్న దుక్క తలస రెడ్డి కి ప్రధానోపాధ్యాయులు, ఉపాధ్యాయ బృందం ప్రత్యేక కృతజ్ఞతలు తెలియజేశారు. ఈ కార్యక్రమంలో విద్య కమిటీ చైర్మన్ సాహుకారి గోవిందరావు, వ్యాయామ ఉపాధ్యాయులు నడిమింటి నాగరాజు, సత్యవతి, రామానాయుడు తదితరులు పాల్గొన్నారు.