వెల్దుర్తి సర్పంచ్ పదవికి ఎల్.ఇ. పుష్పావతి, ఎల్.ఇ. శ్వేత నామినేషన్ల దాఖలు పట్టణంలో వేడెక్కిన పంచాయతీ ఎన్నికల వాతావరణం
వెల్దుర్తి, మేజర్ న్యూస్ : వెల్దుర్తి మేజర్ గ్రామ పంచాయతీ సర్పంచ్ పదవికి జరుగుతున్న ఎన్నికల ప్రక్రియలో భాగంగా ఎల్.ఇ. పుష్పావతి, ఎల్.ఇ. శ్వేత తమ నామినేషన్ పత్రాలను దాఖలు చేశారు. ఈ మేరకు స్థానిక గ్రామ పంచాయతీ కార్యాలయంలోని ఎన్నికల రిటర్నింగ్ అధికారికి వారు తమ నామినేషన్లను అందజేశారు.వెల్దుర్తి పట్టణంలో మేజర్ గ్రామ పంచాయతీ కావడంతో సర్పంచ్ స్థానం ఎంతో ప్రతిష్ఠాత్మకంగా మారింది. నామినేషన్ల దాఖలు కార్యక్రమంలో భాగంగా అభ్యర్థులు ఎల్.ఇ. పుష్పావతి, ఎల్.ఇ. శ్వేత తమ మద్దతుదారులు, గ్రామ పెద్దలు, కార్యకర్తలతో కలిసి ర్యాలీగా పంచాయతీ కార్యాలయానికి చేరుకున్నారు. అనంతరం ఎన్నికల నిబంధనల ప్రకారం నామినేషన్ పత్రాలను అధికారులకు సమర్పించారు.ఈ సందర్భంగా వారు మాట్లాడుతూ.. వెల్దుర్తి మేజర్ గ్రామ పంచాయతీని అన్ని రంగాల్లో ఆదర్శంగా తీర్చిదిద్దడమే తమ లక్ష్యమని పేర్కొన్నారు. పట్టణంలో నెలకొన్న ప్రధాన సమస్యలైన తాగునీరు, డ్రైనేజీ వ్యవస్థ మెరుగుదల, అంతర్గత రహదారుల నిర్మాణం, పారిశుద్ధ్య నిర్వహణపై ప్రత్యేక దృష్టి సారిస్తామని తెలిపారు. ప్రజలందరూ తమను ఆశీర్వదించి, భారీ మెజారిటీతో గెలిపించాలని వారు విజ్ఞప్తి చేశారు.