ముంబై వేదికగా హిందూపురం-ప్రపంచ మేయర్ల సదస్సులో కమిషనర్ మల్లికార్జున..
ముంబై వేదికగా హిందూపురం-ప్రపంచ మేయర్ల సదస్సులో కమిషనర్ మల్లికార్జున
హిందూపురం టౌన్ మేజర్ న్యూస్:
హిందూపురం
మున్సిపల్ కమిషనర్ మల్లికార్జున అంతర్జాతీయ స్థాయి సదస్సుకు ఎంపికయ్యారు.
ఈ నెల 25, 26 తేదీల్లో ముంబైలో నిర్వహించనున్న మూడవ ప్రపంచ మేయర్ల సదస్సులో పాల్గొనేందుకు ఆంధ్రప్రదేశ్ రాష్ట్రం నుంచి ఎంపిక చేసిన మున్సిపల్ కమిషనర్ల జాబితాలో ఆయనకు చోటు లభించింది.
రాష్ట్ర పురపాలక పరిపాలన శాఖ కమిషనర్, సంచాలకులు డాక్టర్ పి. సంపత్ కుమార్ ఈ మేరకు ఈ నెల 18న ఉత్తర్వులు జారీ చేశారు.
అఖిల భారత స్థానిక స్వపరిపాలన సంస్థ వందేళ్ల వేడుకల్లో భాగంగా ఈ అంతర్జాతీయ సదస్సును నిర్వహిస్తున్నారు.
ప్రపంచవ్యాప్తంగా వివిధ దేశాల మేయర్లు, మున్సిపల్ కమిషనర్లు, పట్టణ ప్రణాళిక నిపుణులు ఈ సదస్సులో పాల్గొని పట్టణ అభివృద్ధి, పరిశుభ్రత, స్మార్ట్ సిటీ అంశాలపై చర్చించనున్నారు.
హిందూపురం పట్టణంలో పారిశుధ్యం, అభివృద్ధి పనుల్లో కమిషనర్ మల్లికార్జున చేస్తున్న కృషికి ఈ ఎంపిక గుర్తింపుగా నిలిచింది.
ఈ ఎంపిక పట్ల పట్టణ ప్రజలు, మున్సిపల్ సిబ్బంది హర్షం వ్యక్తం చేస్తున్నారు.
నేటి దినపత్రిక సూర్య టౌన్రిపోర్టర్ ఎం .నాగరాజు హిందూపురం