వత్సవాయి మండలంలో గ్రామపంచాయతీ ఎన్నికల సందడి.. గుర్తులు సిద్ధం సర్పంచ్ అభ్యర్థులకు 25 గుర్తులు.. వార్డు సభ్యులకు 20 గుర్తులు

వత్సవాయి: గ్రామపంచాయతీ ఎన్నికల నేపథ్యంలో ఎన్నికల కమిషన్ సర్పంచ్, వార్డు సభ్యుల అభ్యర్థుల కోసం ఎన్నికల గుర్తులను సిద్ధం చేసింది. సర్పంచ్ అభ్యర్థులకు 25 గుర్తులు, వార్డు సభ్యుల అభ్యర్థులకు 20 గుర్తులను కేటాయించింది. వీటితోపాటు నోటా గుర్తును కూడా అందుబాటులో ఉంచనుంది. అభ్యర్థుల సంఖ్య పెరిగిన పక్షంలో అదనపు గుర్తులను కేటాయించే అవకాశం ఉంది.

వత్సవాయి మండలంలోనూ గ్రామపంచాయతీ ఎన్నికలపై రాజకీయ వర్గాల్లో ఆసక్తి నెలకొంది. ఎన్నికల గుర్తుల కేటాయింపుతో గ్రామాల్లో ఎన్నికల సందడి మరింత పెరగనుంది. సర్పంచ్, వార్డు సభ్యులుగా పోటీ చేయాలనుకునే ఆశావహులు ఎన్నికల గుర్తులపై దృష్టి సారిస్తున్నారు.

సర్పంచ్ అభ్యర్థుల గుర్తులు: మంచం, కత్తెర, ఉంగరం, బుట్ట, వంకాయ, కప్పు-సాసరు, క్యారెట్, తాళం చెవి, గొలుసు, కుర్చీ, బ్యాట్, టెలిఫోన్, బల్ల, మొక్కజొన్న, పలక, ద్రాక్షపళ్లు, తిరగలి, కుండ, అరటిపండు, కొవ్వొత్తులు, నల్లబోర్డు, అనాసపండు, షటిల్, చేతికర్ర, చెంచా.

వార్డు సభ్యుల గుర్తులు: ప్రెషర్ కుక్కర్, గౌను, స్టూల్, ఇస్త్రీ పెట్టె, పోస్టు డబ్బా, గ్యాస్ స్టౌ, బీరువా, ఐస్‌క్రీమ్, కెటిల్, కటింగ్ ప్లేయర్, విద్యుత్ స్తంభం, గరాటా, డిష్ యాంటెన్నా, రంపం, కెమెరా, క్యారమ్ బోర్డు, వయోలిన్, బెండకాయ, బెల్టు, కోటు.

ఎన్నికల గుర్తుల కేటాయింపు అనంతరం అభ్యర్థులు తమకు కేటాయించిన గుర్తులతో ప్రజల్లోకి వెళ్లి ప్రచారం నిర్వహించేందుకు సిద్ధమవుతున్నారు.