దేశపాలెంలో వైసీపీకి మరో షాక్.. టీడీపీలో చేరిన పలువురు కార్యకర్తలు శ్రీరామ్ చిన్నబాబు సమక్షంలో టీడీపీ తీర్థం పుచ్చుకున్న వైసీపీ నాయకులు

వత్సవాయి: ఎన్టీఆర్ జిల్లా వత్సవాయి మండలం దేశపాలెం గ్రామంలో రాజకీయ సమీకరణాలు మారుతున్నాయి. వైఎస్సార్ కాంగ్రెస్ పార్టీకి చెందిన పలువురు కార్యకర్తలు తెలుగుదేశం పార్టీలో చేరడంతో గ్రామంలో రాజకీయంగా ఆసక్తికర పరిణామం చోటుచేసుకుంది. జగ్గయ్యపేట ఎమ్మెల్యే శ్రీరామ్ తాతయ్య సోదరుడు శ్రీరామ్ చిన్నబాబు నివాసంలో మంగళవారం ఈ చేరికల కార్యక్రమం జరిగింది. ఈ సందర్భంగా దేశపాలెం గ్రామానికి చెందిన బొల్లం కృష్ణప్రసాద్, నాదెళ్ల మల్లేశ్వరరావు, పాతకముడి నాగేశ్వరరావు తదితరులు టీడీపీ కండువాలు కప్పుకున్నారు. శ్రీరామ్ చిన్నబాబు వారికి పసుపు కండువాలు వేసి పార్టీలోకి ఆహ్వానించారు. ఈ కార్యక్రమంలో టీడీపీ నాయకులు కనుపర్తి పాపారావు, మర్రిపూడి శేషగిరిరావు, పాతకముడి రాంబాబు, పాతకముడి నరసింహారావు, రామచంద్రపురానికి చెందిన దొడ్డ హరిబాబు తదితరులు పాల్గొన్నారు. ఇటీవల జరిగిన స్థానిక రాజకీయ పరిణామాల నేపథ్యంలో దేశపాలెంలో చోటుచేసుకున్న ఈ చేరికలు గ్రామ రాజకీయాల్లో ఎలాంటి మార్పులకు దారితీస్తాయో వేచి చూడాలి.